ə Sənan" - dayandı və çaşqınlıqla üzümə baxdı.
"Nə deməyə çalışırsan?" - qaşlarını çatsa da üzündəki gülümsəməni silə bilmirdi.
"Nə demək istədiyimi çox gözəl bilirsən. Sənanı sevdiyini ikimiz də bilirik". Qaşları havalandı, ancaq etiraz edəcək bir söz demədi. Yenidən aynaya tərəf çevrildim.
"Hmm, ikimizin bildiyi başqa bir şey də var" - aynadan gördüyüm qədəri ilə gülümsəyirdi. Çaşqınlıqla ona tərəf çevrildim.
"Nə imiş?" - mənə doğru bir addım atdı.
"Ayazı sevdiyin". Eşitdiklərimlə sanki başımdan aşağı qaynar su tökdülər. Yenə nə danışırdı bu qız?!
"Elə bir şey olmadığını sənə demişdim!" - hirslə geriyə çevrilib dodaqlarımı bir-birinə sıxdım.
"Suay" - qarşıma keçib əllərimdən tutdu.
"Gözəl dostum, bilirəm, sənə qarşı çox qəddardı, duyğusuzdu". Bilmək bəs deyil! O hissi yaşamaq lazımdı! Əlimi geriyə çəkib yatağın üstündəki çantamı əlimə aldım. Otaqdan çıxacağım zaman eşitdiklərimlə ayaq saxlamalı oldum.
"Ancaq, Suay, ona olan sevginin bir günahı yoxdu. Hisslərinə qarşı bu qədər qəddar olma!"
* * *
Taksidən enən kimi gecənin qaranlığını aydınlatan məkandan gələn musiqi səsi buradan belə qulaq pərdələrimi zorlamağa başlamışdı.
Doğrusu, bir an yanımızdan ayrılmaqda olan taksiyə əyləşib yenidən evə qayıtmaq istəyim güclü gəlirdi.
Tədirginliklə Nərminə baxdım. Önə uzatdığı dodaqlarından buraxdığı havanın çıxardığı səsin müşayiəti ilə məkanı incələyirdi.
"Vayy, bu qədərini təsəvvür etməzdim" - səsi heyranlıq doluydu. Demək, məndən fərqli olaraq bəyənmişdi. Bezginliklə gözlərimi süzdüm. Əks qütblər bir-birini çəkir deyirlər. Biz də Nərminlə tam olaraq həmin vəziyyətdəydik.
Birlikdə enerji stansiyası ilə birbaşa bağlantısı olan girişə doğru addımlamağa başladıq. Bu dəqiqə özümü döyünən ürəyə gedən damar kimi hiss edirdim...
Girişə yaxınlaşan kimi xüsusi formada olan iri cüssəli adam qarşımıza keçdi.
"Xanımlar adınız" - əlində xüsusi siyahı var idi.
"Suay Sultanova" - deyə cavablamağımla başını qaldırıb əvvəlcə mənə baxdı sonra sual dolu nəzərlərini