Nərminin üzərində gəzdirdi.
"Mənimlədi" - deməyimlə başını salladı.
"Buyurun" - dedi və iri cüssəsini kənara çəkdi.
Sonda, enerji məntəqəsini yarıb içəri daxil ola bilmişdik. İlk olaraq qarşımıza çıxan pilləkənlə aşağı enməyə başladıq. Hər addımımda bayaqkı qulaqbatırıcı səs daha da yaxınlaşırdı. Və...pilləkənlərin sonuna çatan zaman, partlayış baş vermişcəsinə əlimi qaldırıb üzümə düşən işiğı dəf etməyə çalışdım. Nə fayda...Sağdakı sönür, soldan başqa rəngdə olan yanırdı.
"Nə işə düşdük" - dodaqaltı mırıldandım.
"Nə dedin?!" - deyə Nərmin qışqırdı səsinin eşidilməsi üçün.
"Gedək" - əlimlə içərini göstərincə başını salladı və irəliləməyə başladıq.
Musiqi məkanda deyil, sanki sinəmdə çalırdı. Rəngarəng işıqların təsirindən qıydığım gözlərim mənə o qədər iyrənc şeylər göstərirdi ki...İçki qoxan kişilər, ortalıqda tullanıb düşən qızlar. Hələ kənarda öpüşən cütlükləri demirəm...! Tam bir cəfəngiyyat...!Gördüklərimlə üzümü turşutdum. Bar əyləncəsi dedikləri bu idi?!
Başımı arxaya çevirib həsrətlə çıxışa baxdım. İndi, ona o qədər ehtiyyacım var idi ki...
Birdən, birinin mənə sərt tərzdə dəyməsiylə tökəzləyib Nərminə tutundum.
"Ey, yavaş!". Adam mənə əhəmiyyət vermədən dəlicə rəqs edərək yanımızdan ayrıldı.
"Axmaq! Burada adam əzirsən!" - öz-özümə deyinib paltarımı əlimlə düzətdim.
Yenidən çiynimə bir əl toxununca hirslə geriyə çevrildim.
"Sən ye-"
"Hey, mənəm sakit" - Sənan iki əlini də qarşısında sipər edincə sözüm yarımçıq qaldı. Ohh...Rahatlıqla nəfəsimi buraxdım. Onu gördüyümə heç bu qədər sevinməmişdim.
"Sən yaxşısan?" - qulağıma doğru qışqırdı.
"Yaxşı olmağa çalışıram" - eyni tərzdə cavablayınca gülümsədi.
"Gəlin, bizimkilər buradadı" - deyib irəliləyincə Nərminlə birlikdə insan kütəsini yararaq onun arxasınca addımlamağa başladıq. Nərminin ağzı artıq qulaqlarına çatmışdı. Bəlkə də bu gecə Sənanla yeni başlanğıclara qədəm qoyardılar. Nə bilmək olar...
Sonda, qarşımıza çıxan iki-üç pilləkənlə yuxarı çıxdıq. Tanıdıq simalar arasında ilk öncə