Aşura! Adın qəlbləri titrədir.
Aşura! Adın düşmənləri vəlvələyə
salır.
Aşura! Körpəsindən tutmuş
qocasına qədər hamı səni tanıyır.
Aşura! 1400 il bundan qabaq
necə ağrılı idin, indi də o cür
ağrılısan.
Aşura - İmam Zaman (ə) ağanın
göz yaşlarına səbəb olan gün.
Aşura – Əhli-Beyt (ə)
davamçılarının təməl nöqtəsi.
Aşura - körpələrin dünyaya
gələndən sonra dinlədiyi ilk avaz.
Aşura! Sən tarixə qanlı hərflərlə
yazıldın.
Aşura - Peyğəmbərlərin
qabaqcadan xəbərdar olduqları
və ondan çoxlu ibrətlər
götürdükləri yaddaş.
Aşura! Xristian qardaşları belə
kövrəldən və İslama doğru
yönəldən bir tarix.
Aşura! Adın gələndə göz
yaşlarının süzüldüyü yanaqlar.
Aşura! Yəmən cavanlarının
uğrunda şəhid olduqları gün.
Aşura! Hüseynin (ə), Əbülfəzl
Abbasın yanğılı hekayəsi.
Aşura! Əli Əsgər və Əli Əkbərin
susuz dodaqları.
Aşura! Səkinə və Rüqqəyyənin
qanlı göz yaşları.
Aşura! Zeynəbin sevimli
qardaşından ayrılıq məqamı.
Aşura! Yezidin, Şimrin, İbn
Ziyadın, Ömər Sədin lənətləndiyi
gün.
Aşura! İmam Səccadın (ə)
ömrünün axırına qədər üzünün
gülməməsinə səbəb olan yaddaş.
Aşura! Əhli-Beyt (ə) davamçılarına
əvəzsiz ərməğan və yaddan
çıxmayan bir dərs.
Aşura! Keçmişi anaraq, gələcək
nəslə İmam Hüseyn (ə) məktəbini
və əxlaqını aşılamaq.
Aşura - əmr-be-məruf və nəhy-əz-
munkər məktəbi.
Aşura - zillətə boyun əyməmək
məktəbi,
Aşura - məzlumun haqqını tələb
etmək məktəbi.
Aşura - insanlara İslam dinini
xatırladan gün.
Aşura - insanlara səbir və təqva
məktəbi.
Aşura - Qiyamətə qədər Hüseyn
(ə) yanğısı.
Aşura! Düşmənlərin tarixdən silə
bilmədikləri gün.
İmam Rza (ə): “Aşura günü kimin
yas, ağlama və kədər günü olarsa,
Allah Qiyaməti onun şadlıq və
sevinc gününə çevirər”.