z məndən əvvəl qeyd etdiniz.
Hakim:- Siz onlara qarşı dövlətdən xəbərsiz xüsusi əməliyyat keçirmisiniz, bundan dövlətin xəbəri olmayıb. Həmçinin onları öldürdüyünüz zaman dövlətə xəbər verməmisiniz.
- Birincisi mən Yalçın Əfəndiyevə qarşı heç bir əməliyyat hazırlamamışam.Kimə qarşı döyüşdüyümü isə atamın ölümündən sonra bilmişəm. Bu əməliyyatı hazırlayan mənim atam olub. Sizə də məlumdur ki,o artıq yaşamır. İkincisi,dövlət özü də bilirdi ki,Atəş Cahangiri və Yalçını öldürəcək,o bu təşkilata işləyir. Və nəzərinizə çatdırım ki,mən o iki xaini təşkilat rəhbəri olduqdan sonra öldürmüşəm. Artıq bu haqq mənim idi. Çünki dövlət təşkilat rəhbərindən- əvvəl atamdan,rəhbər olduqdan sonra isə məndən bunu tələb edirdi. Yalçın Əfəndiyev sadəcə dövlətə deyil,millətə də açıq təhdid idi.
- Yalçın Əfəndiyevi sorğu üçün dövlətə təhvil verməliydiniz. O arxasından yüzlərlə sirrlə öldü.
- O sirlər bir gün mütləq ortaya çıxacaq möhtərəm hakim,çıxmasa da bu bizim ziyanımıza deyil,xeyrimizədir.
- Axı o sizin dayınızdır?
-O mənim anamı,atamı və sevdiyimi əlimdən alan təşkilat xainidir möhtərəm hakim. Başqa heç nə deyil.Bu adamın sağ olarkən nəfəsindən bir xeyir gəlmədi ,cəsədindən heç xeyir gəlməz,bu məsələni unudun getsin.
Məhkəmə sonunda Atəşə bəraət verilmiş,azadlığa buraxılmışdı...
İndiki vaxt
- Hə,de görüm niyə? Niyə sənə cəza vermədilər?
Atəş:- Sən onun oğlusan,düzdür?
Bəli,Atəşin qarşısında dayanan onun ən böyük düşməni Yalçın Əfəndiyevin oğlu idi.
- Sən bunu haradan bildin?
- Ona çox oxşayırsan.Amma üzünə baxanda onun qədər qəddar olmadığını başa düşdüm.
- Mən bura atamın intiqamını almağa gəlmişəm.
İskəndər:- Sənin atan çox pis biri idi,insanlara zülm vermək üçün nə qədər cinayətlərə əl atdı,neçə insanın canını yandırdı,ölümünə səbəb oldu,sən də istəyirsən ki,onun kimi olasan?
- Kəs səsini!
Atəş:- Dayan!
Atəş əli ilə Yalçının oğlunun arxasındakı bir nəfərə tərəf qışqırırdı. Yalçının oğlu ixtiyarsız arxaya tərəf döndü. Aydan düz onun başını nişan