İntiharlarda qlobal meylləri öyrənən ekspertlər narahatlıqla bildirirlər ki, dünya iqtisadi-maliyyə tənəzzülü özünə qəsdlərin sayını artıra bilər. Keçmişlərdə iqtisadi böhranlar adətən gənclər arasında intihar hallarının artması ilə müşaiyət olunub. Bu barədə son tədqiqatların nəticələri Britaniyanın aparıcı tibb jurnallarından olan Lancetdə dərc olunub. BBC müxbiri Cill Makgivering xəbər verir:
Hər il təxminən bir milyon insan öz həyatına son qoyur. Burada bir neçə risk faktoru var, lakin ekspertlər bildirirlər ki, intiharlar hallarının çoxu gənclər arasında qeydə alınır.
İqtisadi-maliyyə çətinliklərini gənc kişilər daha ağır keçirirlər.
Ümumilikdə isə intihar edən kişilərin sayı bir qayda olaraq intihar edən qadınların sayından çoxdur. Eyni nisbət ruhi xəstəliklərə də aiddir.
Ekspertlər diqqəti belə bir məqama da çəkirlər ki, intiharlar özünün ən yüksək nöqtəsinə adətən yaz aylarında çatır.
Mülahizələr çoxdur, lakin bunların arasında maraq doğuran payız-qış aylarında günəş işığının çatmaması barədə mülahizədir.
Rəqəmlər dəqiq deyil, lakin bütün intiharların üçdə biri Çinin payına düşür.
Orada özünü öldürən qadınlarla, kişilərin də sayı eynidir.
Professor Maykl Filips Dünya Səhiyyə Təşkilatının Pekində mənzillənmiş İntiharların Öyrənilməsi və Önlənməsi mərkəzinin direktorudur:
"İntihara cəhd bir qayda olaraq kənd yerlərinin qadınları tərəfindən daha çox edilir. Dünyanın hər yerində intihara cəh edib, sağ qalanlar qadınlar arasında çoxdur. Lakin Çində intihar üçün pestisidlərdən istifadə olunur ki, bu zaman qadın sağ qalmaq istəsə də cəhd ölümlə nəticələnir. Bəlkə elə buna görə də intiharların sayına görə Çin birincidir.
Əgər Qərbdə bir çoxları bir iki dənə diazepam həbi atıb sonra da təcili yardıma gedib mədələrini yudurdurlarsa, Çində yarım litr pestisid içəni həyata qaytarmaq mümkün olmur."
Bununla belə ümumi sayın çox olmasına baxmayaraq rəqəmlər son iyirmi ildə Çində intiharların yarıbayarı azaldığını göstərir. Bu ondan irəli gəlib ki, sürətli