tərsini edir!
"Bilirəm, onunla əlaqəlidi. Onun adını eşitməyə belə əsəblərin dözmür" - əlimi tutdu - "Səni nə baş verdiyini danış deyə məcbur etməyəcəm. Bil ki, nə vaxtsa danışmaq istəsən hər zaman buradayam".
* * *
Artıq bir həftəni geridə qoymuşdum. Nə qədər qəribə olsa da hələki hər şey yolunda gedirdi. Bu müddət ərzində şirkətdə işə başlamış, Zahid bəylə tanış olmuşdum. Onlarla işləyəcəyim üçün qürur hissi keçirdiyini bildirmişdi. Qazandıqları uğura görə mənə sayını unutduğum qədər təşəkkür etmişdi. Bir sözlə, artıq yeni həyatımın təməlini qoymağa başlamışdım.
Yeni aldığım avtomobilimi şirkətin qarşısında saxladım. Artıq iki gündür ki, işə öz maşınımla gedib gəlirəm. Kanadada yaşadığım müddətdə avtomobil idarə etməyi öyrənmişdim.
Girişə doğru addımlamağa başladım. Yavaş-yavaş öyrəşməyə çalışırdım yeni iş yerimə. İşlə bağlı bir tərslik yox idi hələlik. Həyatım öz monotonluğunu qorusa da yalnızlıq bir kölgə kimi ətrafımdan əl çəkmirdi. Günəş soldan düşəndə sağımda, arxamdan düşəndə tam qarşımda canlanırdı...
Liftdən enən kimi şəxsi katibəm Əsmər yenə dilinə qüvvət verərək mənimlə birlikdə irəliləməyə başladı.

"Suay xanım, xoş gəlmisiniz. Bu gün tezdən Rusiyadan yeni tikinti materialları gəldi. Hər biri siyahıya alınıb Zaur bəyə təhvil verilib. İşçilərin təhlükəsizliyi ilə bağlı təklifiniz Azər bəy tərəfindən razılıq aldı. Bu gün sığorta şirkəti ilə əlaqə saxlanılacaq. Sə-" - əlimi qaldırınca susmalı oldu. Bir nəfəsə o qədər şey sıralamışdı ki.
"Son olaraq nə qaldı?". Həmişə ən əsasını sona saxlayırdı.
"Azər bəy günün ikinci yarısında sizi otağına gözləyir". Otağın qapısını açıb ona tərəf çevrildim.
"Mənə bir fincan acı qəhvə zəhmət olmasa" - içəri daxil olub qapını arxamca bağladım. Çantamı masaya qoyub dəri stula əyləşdim. Off! Bu qızın hər səhər belə enerji dolu olmasına səbəb olan şeydən istəyirəm!
Başımı stulun yumşaq başlığına dayayıb gözlərimi qapadım. Azər bəy yəqin ki, işə qəbul sənədlərini imzalamağım üçün çağırırdı. Hələki, işə