ə başlasam da rəsmi olaraq buranın işçisi deyildim.
İşçilərin sığortalanması işinin həll edildiyinə də sevinmişdim. Üç gün öncə tikintidə bir işçi ikinci mərtəbədən yıxılmışdı. Çox şükür, ciddi xəsarət almadan xilas olmuşdu, ancaq daha da betəri ola bilərdi. O hadisədən sonra tikintidəki işçilərin sığortasız olduğunu öyrənmişdim. Əslində, bu həmin insanlara qarşı alçaldıcı vəziyyətdi. Ucaldılan heç bir tikili onların canından vacib deyil!
Qapı açılınca başımı qaldırdım dayadığım yerdən.
"Buyurun" - fincanı masaya yerləşdirdi - "Başqa istəyiniz?"
"Təşəkkürlər, çıxa bilərsən" - deyincə başını sallayıb otaqdan çıxdı.
Qəhvəmdən bir qurtum içib, soldakı qovluğu əlimə aldım. Bu, mənim öhdəliyimdə olan yeni tikiləcək kompleksə aid idi. Əsmər hər səhər son vəziyyətlə bağlı məlumatlandırıcı sənədləri masamda hazır edir. Nə yalan deyim, çox danışsa belə öz vəzifəsinin öhdəsindən layiqincə gəlir. Əgər belə davam etsə, onun maaşının qaldırılmağı ilə bağlı Zahid bəylə danışacaqdım.
* * *
Naharda sonra idi. Yeni-yeni tanış olduğum insanlarla ayaqüstü salamlaşıb Azər bəyin otağına doğru irəliləyirdim.
Otağa yaxınlaşan zaman qapını döydüm.
"Buyurun" - deyə içəridən səs gəlincə qapını açıb içəri daxil oldum. Azər bəy divanda əyləşmiş, ayaq-ayaq üstünə atmışdı. Yenə tünd göy kostyumda idi. Jurnal oxuyurdu deyəsən. Məni görən kimi əlindəkini kənara qoyub gülümsədi.
"Buyurun, Suay xanım". İçəri doğru bir-iki addım atıb dayandım.
"Məni çağırmısınız"
"Bəli, buyurun əyləşin əvvəlcə". Dəvətinə qarşı göstərdiyi kresloda əyləşdim.
"İşlər necədi? Tikintidə hər şey yolundadı?"
"Bəli, bir narahatçılığınız olmasın. Hər şey yolundadı". Belimi dikləşdirdim əyləşdiyim kresloda.
"Sığorta işinə razılıq vermisiniz" - dedim diqqətlə üzünü incələyərkən. Dodaqlarına səmimiyyətsiz gülüş qondu.
"Əlbəttə. Sizin xahişinizi geri çevirmək nə həddimizə"
"Bunun üçün sizə təşəkkür etməyəcəm. Olması vacib bir şey idi bu". Sözlərimə qarşı qısa qəhqəhə atdı.
"Cəsarətinizə heyranam