yatağa atmışdım. Ərşadı çətinliklə tək qalmaq istədiyimə yola gətirə bilmişdim axır ki. Sənan yaşayırdı. Ayaz onu tanınmayacaq vəziyyətə gətirsə belə nəfəs almağına icazə vermişdi. Ərşadın dediyinə görə hardasa bağlı saxlayır onu. Polisə təslim edib etməyəcəyi isə sual altındadı.
Yorğanı biraz daha çəkdim üstümə. Gücüm yox idi nəsə etməyə. Sadəcə ağlamaq gəlirdi içimdən. Necə də çətindi insanın özünü günahkar hiss etməsi. Döyə bilmirsən, cəzalandıra bilmirsən. Çünki bu özünsən! İstəsən də istəməsən də bu bədənin içindəsən, bu ruh sənindi. Bununla yaşayırsan...
Gözlərimi açdığımda səhər olmuşdu. Yorğanı üstümdən çəkib yalın ayaqlarımı salladım yataqdan. Tər qan içində qalmışdım. Ayağa qalxıb əvvəlcə çəkməcənin üstündəki telefonumu əlimə aldım. Ayazdan zəng gəlməmişdi. Üstümdəki dünəndən qalma paltarları çıxarıb isti duşa girdim.
Duşdan sonra acı qəhvəmi içib saçlarımı qurutdum. İştahım olmadığından bir şey yemədim. Ayaza zəng etdim. Hər zamankı qadın telefonun bağlı olduğunu təkrarlayıb dururdu bütün dillərdə. Hirslə telefonu yatağa tullayıb şkafın qarşısına keçdim. Sport ağ-qara kostyumumu geyinib sport ayaqqabılarımı keçirdiyim ayağıma. Sonda isə mp3'lə qulaqcıqlarımı cibimə atıb evdən çıxdım. Artıq idman etməyə hazır idim.
Qulaqlarıma dolan Avstraliyalı müğənni olan Kylie Minogue - İn your eyes mahnısı sədaları altında asta qaçışla binanın yaxınlığındakı parka gəlib çıxmışdım. Ətrafda daha çox uşaqlarını gəzdirən insanlar var idi. Saatdan xəbərim olmasa da günorta olduğunu təxmin edirdim. Çünki, səhər saatları olsa idi park idman edən insanlarla qaynayardı.
Artıq parkda ilk dövrəmi vurmuşdum. Qaçmaq, düşünməyin bir variantı idi mənim üçün. Məsələn, nə edəcəyimə qərar vermək istədiyim zaman parka gəlib qaçmağa başlayardım hər zaman. Doğrusu, burada olarkən elədə vaxt olmurdu, ancaq Kanadada olan zaman çox qısa intervallarla bu baş verirdi. Bəzən isə hər gün. Geri qayıdıb Ayazı cəzalandırmaq fikrinə belə qaçan zaman qərar vermişdim. Ona zərər vermək və