demə"
Məni qucağına aldı. Yatağın üstündəki ipək örtüyü çəkib məni uzatdı sonra özü də üzərindəki pencəklə köynəyi çıxarıb yanıma uzandı. Məni qucağına çəkib örtüyü üzərimizə örtdü.
Saçlarımdan öpdü - "Yat, ikimizdə yorğunuq"
"Qırmızı" - Ayaz məni səsləyincə başımı qaldırdım. Xatırladıqlarımın verdiyi sarsaqlıqla ona baxdım.
"Anons verildi. Gedək" - əlimdən tutdu. Birlikdə ayağa qalxıb təyyarəyə doğru gedən yolda irəliləməyə başladıq.
Qayıtmaq istəmirdim. Sonsuza qədər Ayazla birlikdə gəzərdim bütün dünyanı. Amerika turumuz Avropa turu ilə əvəzlənə bilərdi, məsələn. Təbii ki, Ayazın işləri olmasaydı. Biz Amerikada günümüzü gün edərkən bütün işlər Səndərə qalmışdı. O da Ayaz olmayınca bacara bilmirdi işlərlə. Arif bəy desən çoxdan şirkəti iki qardaşa həvalə etmiş, öz qabığına çəkilmişdi. Yəni, qayıdırdıq. Mənim isə ən çox canımı sıxan qayıtdığım zaman bir işimin olmaması idi. Evləndikdən sonra Ayaz Zahidovlardan çıxmağımı istəmişdi. Razı olmuşdum məndə. Çünki, evlənmişdik və yoldaşımın şirkətinə rəqib şirkətlə işləməyim elədə doğru deyildi. Əslində isə oradan ayrılmağımın əsas səbəbi bu deyildi. Ayaz mənim üçün çox fədakarlıq etmişdi. Mən də bunu ona borclu bilmişdim. Həm, geri qayıtdığımız zaman Ayazın mənim köməyimə ehtiyacı olacaqdı. Özü deyir...İşləri çox boş buraxmışıq.
Yermizi rahatladıqdan sonra kəmərləri taxdıq. Bir neçə saniyədən sonra təyyarə boş sahədə irəliləməyə başladı. Ayazın əlindən tutdum. Sürətləndik. Və...Havalanmışdıq...
Təyyarə havada stabil vəziyyətə keçəndə kəmərləri açdıq. Yenə saatlarla çəkən uçuş başlamışdı. Ayaz hər zamankı kimi kitabını aldı əlinə. Həmişə belə olurdu. Ayaz kitab oxuyur, mən isə onu izləyərkən yuxuya gedirdim. O qaldığı yerdən oxumağa davam edərkən başımı Ayazın çiyninə dayadım.
Oradan qaçıb getməzdən əvvəl o qədər şeylər baş vermişdi ki. Evləndikdən bir həftə sonra Sənanın məhkəməsi olmuşdu. Onbeş il cəza almışdı. Təbii, bunda Ayazın da böyük rolu var idi. Bəzən o qədər inanılmaz gəlir ki, yaşananlar. Bir