yorğunluq buna yola verməmişdi. Duş alıb təmizləndikdən sonra yatağa atmışdım özümü. Axır zamanlar bu hallar yaman çoxalmışdı. Heysiz hiss edirdim özümü. Sanki dünyanın işini gördürmüşdülər mənə. Hətta bir neçə dəfə Ayazla tura çıxdığımızda mənə görə yarımçıq geri qayıtmışdıq. Axır zamanlar tez yorulurdum.
Oyandığımda hava alatoranlıq idi. Yatağın yanındakı çəkməcənin üzərinə qoyduğum saata baxdım. Saat 20:00'u göstərirdi. Artıq yaz ayı olduğu üçün hava gec qaralırdı. Üstümdəki nazik adyalı kənara atıb ayağa qalxdım. Əl-üzümə su çəkdikdən sonra otaqdan çıxıb aşağı düşdüm. Ətraf səssiz idi. Mətbəxə keçdim. Zöhrə bar stulunda əyləşmiş, əlindəki telefona baxaraq gülümsəyirdi. Məni hiss etmədiyi üçün boğazımdan boğuq səs çıxardım. Cəld başını qaldırıb çaşqınlıqla mənə baxdı. Telefonu masaya qoyub qarşıma keçdi.
"Mən, gedəcəkdim. Ayaz bəy gəlmədiyi üçün səni tək qoymaq istəmədim" - dedi bir nəfəsə. Üzündə pərt olmuş ifadə var idi.
Minnətlə gülümsədim - "Çox sağol" - deyib masa arxasında əyləşdim.
Əlimlə stulu göstərdim - "Otur, biraz söhbət edək". Stulu çəkib əyləşdi.
"Deyəsən, hər şey yaxşıdı" - deyə soruşunca qaşlarını çatdı. Gözlərimlə telefonu işarə etdim. Yanaqları qızardı.
"Yaxşıdı" - çəkinərək dilləndi.
"Lap yaxşı. Sənə başqa deyəcəklərim var". Çiyinlərimi dikləşdirdim.
"Bilirsən, mən özüm tək yaşamışam. Yəni, nənəmdən sonra. Yemək bişirməyi də ev işlərini də bacarıram. İndi, bilmirəm, yenidən işləməyə başlasam yəqin ki, evin təmizliyini çatdırmayacam. Ona görə səninlə belə danışaq. Sən həftədə iki dəfə evin təmizliyi üçün gələrsən" - gərildiyini hiss edincə yanlış anlamasından qorxaraq cəld sözə atıldım.
"Narahat olma, eyni maaşı alacaqsan" - deyincə hiss olunacaq dərəcədə rahatladı. Məqsədim onu işindən etmək deyildi. Həm, az iş görüb eyni maaşı alacaqdı. Mən, sadəcə evdə başqa birinin olmasını istəmirdim. Özümü tanıyandan nənəmlə yalnız ikimiz yaşamışdıq. İndidə Ayazla baş-başa olmaq istəyirdim.
"Həm, belə özünə də vaxt ayırarsan".