b başımı sinəsinə dayadım.
Qarnımda hiss etdiyim ağırlıqla gözlərimi açdım. Bir an yer qavramını itirsəm də harada olduğumu anlamağım çox çəkməmişdi. Yanımda mışıl-mışıl yatmış adamla şirkət otağında idik. Ah, sevgilim...Necə də yorulmuşdu. Həqiqətən, biz hansı ara yuxuya getmişdik? Ayazın qarnım üzərindəki əlini yavaşca qaldırıb yanına qoydum. Bir an tərpənsə də oyanmadı. Yerimdə dikəldim. Üstümüzdəki pencəyi Ayazın üstünə örtüb ayağa qalxdım. Bir an başım dönsə də tez özümü ələ ala bilmişdim. Otaqdakı hamam otağında əl-üzümə su çəkib qəhvə almaq üçün aşağı endim. Özümə acı qəhvə alarkən bəzi tanış insanlarla danışmaq şansım da olmuşdu. Dediklərinə görə geri qayıtdığıma şad idilər. Yəni, sadəcə, deyirdilər. Düşünməsələr belə...
Otağa geri qayıtdığımda Ayaz hələdə eyni vəziyyətdə yatırdı. Səs çıxarmamağa diqqət göstərərək masa arxasına keçdim. Hava alatoranlaşdığından masa üzərindəki işığı yandırıb yenidən sənədləri gözdən keçirməyə qoyuldum. Bütün bunlardan çıxardığım nəticəyə görə sabah iclas keçirməli idik. Özüdə bir yox, bir neçə. Hər bir departamentlə ayrıca bir iclas. Yaxşıca dərs verməli idik onlara. Geri qayıtdığımızı göstərəcək yaxşıca bir dərs.
Qəhvəmdən bir qurtum alıb digər sənəd qovluğunu açdım. Yarım qalmış tikintilər...Bunun üçün kəsilən cərimələr...Bir an başımın döndüyünü hiss etdim. Hərflər gözlərim önündə oynayırdı, tuta bilmirdim. Gözlərimi bərk-bərk yumub açdım. İndi biraz daha yaxşı idi. Sənədi bağlayıb başımı əlləri arasına alaraq gicgahımı ovmağa başladım. Bir aylıq istirahətdən sonra birdən-birə belə yorğunluq ağır gəlmişdi. Başımı qaldırıb divanda yatan adama baxdım. Hər ikimizə ağır gəlmişdi.


Telefonumu əlimə alıb asta addımlarla otaqdan çıxdım. Səndərin nömrəsini yığarkən bir tərəfdən də otağına doğru irəliləyirdim. Ağlım onda qalmışdı. Çox çalmadan açdı

"Gözəllik" - dedi bu dəfə solğun səslə.

"Haradasan?"

"Barda". Gözlərimi süzdüm. Ah, başqa harada olacaqdı ki!

"Yerini de gəlirəm"

Qəribə səs çıxardı -