alacaqdım" - deyincə qəhqəhə atdım.

"Gülmə ciddiyəm" - dedi o da gülərkən.

"Bunu Ayaz eşitsə görəsən nə olar?" - dedim bicliklə. Göz bəbəkləri iriləşdi.

"Aman! Aman!" - əlini salladı - "Qurban olum, elə bir şey etmə. Doğrayar məni!"

"Dəlisən sən!". Həqiqətən, dəli idi. Bir an necə də dağıtmışdı gərgin havanı.

Biraz daha oturduqdan sonra hesabı ödədim.

"Qalx, gedirik" - deyincə çaşqınlıqla mənə baxdı.

"Hara?"

"Şirkətə. Ayazın yanına"

Qaşlarını çatdı - "Mənim orada nə işim var?"

"Necə yəni nə işim var?! Ayazla danışassan". Çantamı götürüb ayağa qalxdım.

Qarşıma keçdi - "Yox e, gözəllik, mən gəlməyim. Bu dəfə ağzımı burnumu dağıdacaq. Ən yaxşısı mən bütün orqanlarım salamatkən evə gedim"

Sərt baxış atdım ona - "Mənə sözümü təkrarlatma!"

Ürkmüş kimi gözləri iriləşdi - "Ayaz yalan olub sənin yanında" - dedi ağızdolusu. Gözlərimi süzdüm.

"Ona görə, düş qabağıma" - deyincə tabe oldu axır ki. Birlikdə yola düşərkən Ayaz da zəng etmişdi.

On dəqiqəyə şirkətə çatdıq. Hava artıq qaralmışdı. Birlikdə şirkətə daxil olub yuxarıya qalxdıq. Otağa daxil olan kimi masa arxasından qalxdı Ayaz. Ağzını açıb bir söz demək istərkən arxamca içəri keçən Səndərin üzərində dondu baxışları. Sonra yenə mənə döndü.

"Haradaydın?"

Səndərə qısa baxış atıb ona döndüm - "Səndərlə danışdıq biraz". Ayaz bir söz demədən masa arxasından çıxıb bizə yaxınlaşdı.

"İndi də arvadımdan pul dilənirsən?" - işarə barmağını uzatdı Səndərə doğru - "Sənə dedim! Pul istəyirsənsə məsuliyyət alacaqsan!"

"Ayaz!" - havadakı əlindən tutub aşağı saldım. Səndər özünü sıxıb eləcə baxırdı. Hər an qapını çırpıb gedəcək kimi dayanmışdı.

"Mən özüm getdim danışmağa. O məndən heçnə istəməyib". Bu dəfə ürkütücü baxışları mənə döndü.

"Mənim şəxsi işlərimə qarışma demişdim sənə!"

"Ona kükrəmə!" - dedi Səndər - "Qızın bir günahı yoxdu!". Bu dəfə Səndərə döndü Ayaz.

"Sən sus!" - dedi dişlərinin arasından.

"Susmasam?" - Səndər Ayaza