x məni!" - deyə qışqıraraq çırpınsam da bir işə yaramırdı.
"Ayaz, qolun! Həkimlə danışmalıyıq!"
"Sonra! İndi sakit dur!" - deyib yatağa yaxınlaşdı. Bir qolu ilə məni bərk-bərk sarıb biraz əyildi və yatağın üstündəki adyalı kənara çəkdi.
Məni yatağa qoyub özü də yanıma uzandı.
"Nə edirsən, Ayaz?!" - gözlərimi ona dikmiş, nə etmək istədiyini anlamağa çalışırdım.
"Yatırıq, sevgilim" - qolumdan tutaraq məni sinəsinə yatırıb adyalı üstümüzə çəkdi.
"Ayaz, nə yatmağı!" - qalxmaq istəyincə daha da özünə sıxdı.
"Rahat dur" - deyib bir əli ilə belimi qavrayıb digərini başının altına qoydu.
Ah, çırpınmam boşa idi. Ona nə zaman gücüm çatmışdı ki. Həm, deyəsən olduğum yerdən məmnun idim. Hə! Hə! Bura tam da istədiyim yer idi. Ayazın güvən verici qolları...
Başımı ürək döyüntülərini eşidəcək tərzdə sinəsinə basdırdım. Eşirdirdim...Dup! Dup! Zövq aldığım ən gözəl ritm...Sevdiyim adamın ürək döyüntüləri...
Bir an beynimə sızan məmnuniyyətsiz suallar yerimdə narahatlıqla tərpətdi məni. Görəsən, daha başqa biri üçün pozulmuşdumu bu ritm?
Sevmişdimi başqa qadını?
Üzünü görmək üçün başımı azca qaldırdım. Gözləri bağlı idi.
"Ayaz..." - deyə onu səslədim. Gözlərini açmasa da astaca mırıldandı cavab olaraq. Əsas odu yatmamışdı. Eşidirdi məni.
"Lift dayanan vaxt yanındakı qadın kim idi?". Ohh...Sonunda beynimi gəmirən sualı vermişdim. Anındaca gözlərini açıb afallayaraq mənə baxdı. Əlimin altındakı bədəninin gərildiyini hiss etdim. Başını azca qaldırıb gözlərimə baxdı.
"Bu haradan çıxdı indi?" - başını yastığa basdırdı - "Yat" - deyib yenidən qapadı gözlərini. İndi bu nə demək idi?! Başımı sinəsindən qaldırıb yerimdə dikəldim.
"Bilmək istəyirəm. Cavab ver" - deyə mızmızlandım. Bilməli idim! Mütləq!
Tərpənmədi belə. Əlimi sinəsinə qoyub inadla silkələdim - "Ayaz!"
Gözlərini açıb qəzəblə mənə baxdı - "Nə etmək istəyirsən?! Gərək istiot qatasan da gecəmizə hə?!" - hirslə dediyi sözlərə qarşı bir anlıq duruxsundum. Ancaq, geri çəkilməyəcəkdim!
"Bilmək