m oğlum,şifrələrlə elə danışır ki,elə bil şifrə dilini bu icad edib.
- Məsələn nə deyir?
- Mən bir dəfə buna qulaq asırdım,qayıdıb bu Afətə nə desə yaxşıdır? LQ-ni qurban kəsib Qurban bayramına hazır edərəm.
- Kimi?
- LQ-ni. Dəqiq yadımdadır,bu elə belə də dedi.
Atəş başa düşdü ki,o səhv etməyib. Oktay Aktaş cinayətində həqiqətən bu ailənin əli var. Deyəsən bu Afət idi.
Atəş:- Afət xanım heç nə cavab vermədi?
Çiçək:- Afət nə desə yaxşıdır? Dedi ki, mən belə qurbanlıqları xoşlayıram. Get gətir.
- LQ lunatikin qatili deməkdir. Yəni Oktay Aktaşın qatili.
- Necə yəni?
- Yəni Afət xanım LQ-ni tanıyırdı,deməli?
Çiçək xanımın rəngi ağappaq oldu.
- Vay,anam,vay,vay anam vay,demək bizim Afət Oktay nə bilim nə daşı öldürən adamdı?
- Bunu hələ deyə bilmərəm. Gərək araşdırım. İcazənizlə mən bir az da sizin Afət xanımla danışmaq istəyirəm.
- Amma mənim oğlum,əvvəldən deyim,bu kişinin qızı çox tərs adamdır,onunla ancaq 5 dəqiqə danışa bilsən sənə bir dadlı yarpaq dolması hazırlayaram, bir qazan dolma sənin olar. Görüm bacararsan?
Atəş gülə-gülə cavab verdi:
- Yarpaq dolmasının xatirinə dözəcəm söz verirəm.
Çiçək xanımdan sonra Afət onun yanına gəldi.
Afət:- Mən başa düşmürəm məndən nə istəyirsən? Axı mən neyləmişəm? Sən mənim uşaqlarımı pis vəziyyətə salmısan. Sənin ucbatından biri ürək xəstəsidir,o biri iflicdir. İndi bir də gəlib məni sorğuya alacaqsan? Ay səni işində uğur qazanmayasan,nə var,hə? Nə var baxırsan mənə belə?
Atəş:- Gözləyirəm beş dəqiqə tamam olsun.
- Beş dəqiqə?
- Afət xanım,əyləşin,yoxsa sizi həbs etməli olaram.
- Nə adla məni həbs edəcəksən? Sənə dediyim sözlərə görə?
- Yox,LQ-ni öldürdüyünüzə görə!
Afət bir-iki dəqiqə susub heç nə demədən Atəşin qarşısında oturdu. O artıq anlamışdı ki,vəziyyət yaxşı deyil...
Qaranlıq otaq. Nərminə bir nəfərin yanına gəlir.
Həmin şəxs:- Sən kimsən?
Nərminə:- Ktaxa.
- Nə xəbər gətirmisən?
- Atəş Əfəndiyevlər ailəsi ilə tanışlığa gedib. O fələyin ucunu tapıb. Adamları isə Ömer Karanı ələ keçirmək