Tanrı hər işində yar olsun sənə
Təbəssüm bəxş etsin o gül çöhrənə
Uğur diləyirəm mən dönə-dönə
Xoşbəxtlik ömrünə bər-bəzək olsun
Ad günün mübarək olsun .

Arzun qanad açsın qaranquş kimi
Səni tərk etməsin sevincin dəmi
Yoluna nur saçsın səadət şəmi
Süfrəndə bərəkət , duz-çörək olsun
Ad günün mübarək olsun .

Hər zaman bəxtinə gün doğsun sənin
Solmasın könlündə gülün , gülşənin
Sənə ürək sözü bu Vusalın
Aləm gözlərində gül , çiçək olsun
Ad günün mübarək olsun .