Cümşüdə məktub:
“Salam, canım içi, aşkım, yavrum, balam, ömrüm, həyatım!” cümləsində neçə mənsubiyyət şəkilçisi var? Sevindin hə, Cümşüd? Elə bildin yenə sənə şirin sözlər deyəcəm? Ala...Neçə gündü nə zənglərimə, nə də smslərimə cavab vermirsən. Mən də ona görə bir başa məktub yazdım. Biri sənə, birini icra hakimiyyətinə, birini polisə, birini də lap yuxarılara yazdım. Axırıncı dəfə yazdın ki, vəssalam, ayrılırıq. Heç utanırsan? Neçə illik münasibəti bir dənə whatsapp mesajıyla necə alt-üst elədin? Bu illər ərzində sənə aldıqlarım, bayramlarda, adınbatsıngünlərində verdiyim hədiyyələr burnundan gəlsin. Kül mənim başıma. Əsgərliyə getməyən birinə, yəni sənə ”Silahlı qüvvələr günündə” də sənə hədiyyə aldığıma görə məni “Ginessin rekordlar kitabına” saldılar. Baxan da deyərdi ki, kişinin oğlu Qarabağı qaytarıb. Nə deyirdin eliyirdim, nə hava çalırdın oynuyurdum. Bə noldu birdən birə ayrılaq dedin? Başqa dünyaların adamıyıq e, bizdə alınmaz dedin. Amma düz deyirmişsən. Gedib araşdırdım. Doğurdan da başqa dünyaların adamlarıymışıq. Sənin əslin-nəslin yer planetindədir, mənim də bir tərəfim Merkuridən, bir tərəfim də Yupiterdəndi. Söz tapmıram e sənə yazım. Bu zamana kimi evimizə gələn gül kimi elçilərə "otkaz" getdim. Sənə görə mən instituta qəbul oldum ki, evdəkilər məni tez evləndirməsin deyə, başqasına verməsin deyə. Oxumağı bəhanə edirdim. Sonra magistratura, doktorantura da oxudum, vaxt qazandım. Elçi gəldi, dedim hələ də oxuyuram. Mən sənə görə elmi dərəcə də aldım, dosent oldum, professor oldum. Ən axırda da alimlik dərəcəsi də aldım. Bir dənə xeyrin mənəı bu oldu, ayda əlavə 100 manat alıram. Vaxt qazanmaq üçün, evdəkiləri yubatmaq üçün başqa nə olmalıydım? Bəlkə “NASA”-ya CV-i verməliydim? Amma sən bir addım belə atmadın. Ancaq şəhərə çıxıb şaurma-ayran almağı bilirdin.Qapımıza gələn bütün elçiləri geri göndərirdim ki, bir gün sənin elçilərin gələcək. Heç kimi demirəm, qonşumuz İsrafilin adamları hər altı-bazar bizdəydi ki, “Qızı verin də, day! Qocalır axı!”.