Qızım, evdən çıxırsan,
Söylə, hicabın hanı?
Bəlkə xəbərin yoxdur,
Eyləysə, dini tanı..

Hicab – İslam gərəyi,
Hicab – həya örpəyi,
Müsəlman qadınların
İzzət, namus, fərəhi.

O, Allahın əmridir,
Peyğəmbər [1] sünnəsidir,
Mömin analarımızın
Bizə qalan irsidir.

Sakit durma yerində
Ətrafına nəzər sal,
Sən canavar xislətli
İnsanlardan uzaq qal.

Deyəcəklər, nənəsən?
Deyəcəklər, çox gəncsən.
Bu hələ harasıdır?
Gör, nələr eşidəcəksən.

Fikir vermə onlara
Dostlarını doğru seç.
Niyyətini saf saxla
Sonda əkdiyini biç.

Dünən qucaqdaydın sən
Bu gün ayaq üstəsən,
Həyat deyildir uzun,
Mənim ağıllı quzum.

Göz yumub açacaqsan
Sən ana olacaqsan,
Sən nənə olacaqsan.
Bir də baxacaqsan ki
Sorğu-sual olunursan.

Ömür keçib gedəndə
Qalan əməl olacaq,
Hər yaranan dünyadan
Tək onu aparacaq.

Qarşında dayanmışam,
Yaşı da haqlamışam,
Səndəki gözəlliyi
Mən çoxsunda görmüşəm.

Lakin verdimi fayda?
Əsər qaldımı ondan?
Quş kimi uçub getdi..
Geridə buraxdığı
Bir təəssüf sonunda.

Mirvari dənələri
Bircə-bircə toplanar,
Qızıl boyunbağılar
Mücrülərdə saxlanar.

Hicab vacib əməldir,
O sənin şərəfindir,
Bu dünyada geyilən
Axirət sevincindir.

Asilikdən həzər et,
Rəbbinə itaət et,
Sən müsəlman balasan
Hicaba riayət et.