Gəl, gör insafsız, qəlbim nə haldadı.
Yaralarımı sarmağa taqətim qalmadı.
Arzuladığım gözəlliklər bir anda yox oldu.
Bir zaman əziz olan gözlər nədənsə yad oldu.

Sənin qəlbin yaslı, mənim gözlərim yaşlı.
Eşqimizə yox bir çarə qismətimiz ayrılıq olmalı.
Kaş gözlərim səni axtaranda, qəlbin məni arzulardı.
Gördüyüm gözəl yuxular səninlə çin olardı.

Qarşımda bir parça kağız, əlimdə qələm.
Düşünürəm sözə necə başlayıb, necə bitirəm.
Sanki ürəyim çırpınır, nə durmusan yaz deyir.
Amma qələm, buna cürətin çatmaz deyir.