Vəsli tənha görəmməzsən ha izlə,
Həsrət ondan aralanmaz ha bizlə.
Qaytarım de, indi neçə faizlə
Nahaq yerə aldım eşqin səhmini.

Dön geri bax, eh, sənsiz nə halımdı,
Ayrılığın üzümdə qəm xalımdı.
Bilirsən ki zalımdan da zalımdı,
Görmüsənmi heç əğyarın rəhmini?

Aylar, illər ötən yaşıma gəlir,
Gözdəymələr almaz qaşıma gəlir.
Ürəyimə daman başıma gəlir,
Kimsə duymaz lal könlümün fəhmini.
Hiss eləməz mən tək hicrin zəhmini