Səni düşünürəm yenə bu axşam
Yenədə xəyalın gözüm önündə
Titrək əllərindən bərk-bərk tutmuşam
Bir sual görürəm qəmli gözündə

Danışır mənimlə qara gözlərin
Çəkir ürəyimi dara gözlərin
Bilmirəm aparir, aparır hara
Bu sınıq könlümü hara gözlərin

Baxışlar buz olub dondurur məni
Bir qış şaxtası sazağı kimi
Gəlmişdin bir zaman sən ürəyimə
Əbədi bir könül qonağı kimi

İndi xəyallarda görüşürük biz
İndi yollarımız ayrılıb tamam
Gülüm səndən mənə nakam sevgimiz
Birdə göz yaşıdır yadigar qalan