Deyirəm, bəlkə də əcdaddan hələ
İlkimiz bir toxum, bir tumdur bizim
Qaynayıb-qarışıb qanım qanınla
Fikrimiz, hissimiz qohumdur bizim.

Deyirsən, "ayrılaq!.." Fitrətdən dönək?
Nə olar...Başa sal ancaq bir şeyi:
Biz hardan öyrənək, kimdən öyrənək
Bir-birimizə özgələşməyi?..

"Ayrılaq" sözünə ağladı göylər,
Yolu deyişməmiş yolumu azdım.
Şirin olmasaydı sevgi bu qədər,
Ona acı-acı mən ağlamazdım!

Görüşlər özüdə dadıma gəlmir
Bu qədər yaxınıq o qədər uzaq.
Bircə görüşümüz yadıma gəlmir,
Nə vaxt birləşdik ki, indi ayrılaq.