m vurursan ki, bilet hazırdır, axı mən bu teleqramsız Praqadan çıxa
bilmərəm. Sən məni vağzalda gözləyirsən, bizim öhdəmizdə 4 saat vaxt olur, səhər
saat 7-də mən yenidən Praqaya gəlirəm.
Bax belə, düzdür, cəmi dörd saat, yorğun halda və gecə vaxtı olduğundan
kədərli olsa da, ikilikdə (Harada? Frans Yozef vağzalının yanındakı
mehmanxanada?) oluruq və belə bir imkan da vardır ki, sən Qmyundda məni
qarşılayırsan, yolu qısaldaraq orada görüşür, Qmyundda gecəni keçiririk. Axı ora
Avstriyanındır? Onda sənə pasport lazım olmayacaqdır. Mən təxminən saat 10-da
orada olacağam, ola bilsin ki, bir az da tez olaram, bazar günü sürət qatarı ilə səhər
saat 11-də qayıdaram (bazar günü yer almaq, yəqin ki, asan olar), əgər uyğun
gələn qatar gec olarsa, bir az da sonra mümkündür. Amma sən oraya və geriyə
necə gəlib-qayıdacaqsan, bunu bilmirəm.
Hə, nə deyirsən? Qəribədir ki, mən indi sənə sual verirəm, amma bütün günü
səninlə danışmışam. Krasanın ünvanı: Maricnbad, “Ştern” mehmanxanası.
Bazar ertəsi
Teleqram cavab deyildi, amma cümə axşamındakı məktub isə cavab idi. Əbəs yerə
yuxusuzluqdan əzab çəkməmişəm, bu gün səhər əbəs yerə məni dəhşətli kədər
bürüməmişdi – hər şey ədalətlidir. Bəs ərinin qanaxmadan xəbəri vardırmı? Başa
düşürəm ki, hər şeyi şişirtmək lazım deyildir, ola bilsin, heç nə yoxdur, bəzən qan
gələ bilər, amma bu qandır və bunu unutmaq olmaz. Amma sən əhəmiyyət
vermədən öz xoşbəxthəyatını davan edirsən, sanki qanı hədələyirsən: “Hə, gəl də,
gəl” və o gəlir. Burada mənim halımın necə olacağı isə səni qətiyyən
həyəcanlandırmır, əlbəttə ki, sən nemluvne101 deyilsən və nə etdiyini gözəl
bilirsən, sən məhz bunu istəyirsən ki, mən burada – Praqa sahillərində durum, sən
isə mənim gözlərim qarşısında, tamamilə öz iradənlə Vyana sularında qərq olasan.
Yaxud da yeməyə bir şeyin yoxdursa, deməli, pro sebe102 heç bir qayğın yoxdur.
Bəlkə sən düşünürsən ki, bu əslində mənim problemimdir? Nə etmək olar, deməli,
sən haqlısan. Təəssüf ki, sənə çox pul