yaxud birigün sənə teleqram vuracağam (Ottla artıq bu gün pasport dalınca
getdi), bu şənbə Qmyunda gəlməyi bacaracağammı (Vyana üçün bu həftə, hər
halda, artıq gecdir, çünki bazar gününün sürət qatarına bileti vaxtından əvvəl
almaq lazımdır), sən öz gəlməyini də teleqramla mənə bildirməlisən. Bütün
hallarda, poçta gedəcəyəm ki, sən teleqramı tez alasan. Belə edərik: əgər teleqram
vursam ki, “mümkün deyildir”, deməli, bu həftə gələ bilməyəcəyəm. Onda
teleqram-cavabı gözləməyəcəyəm, qalan şeylərin hamısını məktubla müzakirə
edərik (növbəti dörd həftədə görüş, əlbəttə ki, sənin hansı şəhərə gedəcəyindən
asılı olacaqdır, ola bilsin ki, məndən çox uzaqda olduğun üçün tam bir ay görüşə
bilməyəcəyik). Yaxud da teleqram vuracağam ki, “Şənbə günü Qmyundda
olacağam”. Bu halda ya “mümkün deyildir”, ya da “Şənbə günü Qmyudda ola
bilərəm” cavablarını gözləyəcəyəm. Son iki halın hər birində, ola bilsin ki, hər şey
razılaşdırıldığı üçün, heç bir başqa teleqram tələb olunmasın. (Yox, teleqramının
alınmasına sənin şübhən qalmaması üçün təsdiq teleqramını da vuracağam). Biz
hər ikimiz Qmyunda gedəcəyik və ya bu şənbə, ya da bazar günü görüşürük. Bütün
bunlar çox sadə səslənir.
***
Təxminən iki saat vaxt itirildi, məktubu ləğv etmək lazım gəldi. Otto Pik109 buraya
gəlmişdi. Yorulmuşam. Biz bəs nə vaxt görüşəcəyik? Niyə saat yarım ərzində sənin
adını cəmi üç dəfə eşitdim? Sən haradasan? Komanın yerləşdiyi kənd yolundamı?
Mən də yoldayam və bu yol çox uzundur. Ancaq buna görə özünü üzmə, hər halda
biz yoldayıq, getməkdən başqa bir variantımız isə, sadəcə, mümkün deyildir.
Çərşənbə
Bəs həkim haradadır? Məktubu oxumadan onu başdan ayağadək axtardım ki,
həkimi tapım. O haradadır?
Mən tamamilə yatmıram: bu o demək deyildir ki, tamamilə buna görə
yatmıram, harmoniyasız insanlarda başqalarına nisbətən daha çox yuxusuzluq olur,
lakin hər halda, mən yatmıram. Niyə? Vyanaya gəlməyimdən çox vaxt keçdiyinə
görəmi? Yaxud da öz xoşbəxtliyimi çox qabartdım? Süd, yağ və