n inadkarlığı nəticəsində yenidən boşanıb. Qadın indiki mənzil çatışmazlığı
nəticəsində özünə yaşayış yeri tapa bilməyib və yalnız buna görə bir yerdə
yaşamalı olub və hələ də ikinci ərinin nikahındadır, amma bu hal onu əri ilə
barışdıra, həm də onu boşanmadan da çəkindirə bilməyib. Hər halda biz gülməli
dərəcədə bədbəxt adamlarıq, doğrudur? Mən onun ərini tanıyıram, o, xeyirxah
adamdır, anlayışlı, işgüzar, həyatsevərdir.
Sənə lazım olanların siyahısı, əlbəttə ki, gəldi, nə qədər uzun olsa da, bir o
qədər yaxşıdır. Sənin arzuladığın hər bir əşyanın içərisinə soxularaq onunla birgə
Vyanaya gələcəyəm (direktor bu cür səfərlərin əleyhinə deyildir). Beləliklə, sənin
yanına gəlmək imkanlarını bacardıqca çox elə. Yeri gəlmişkən, “Tribuna”da çap
olunmuş məqaləni müvəqqəti olaraq mənə göndərərsən.
Öz aramızdır, əgər poçt xidmətinin yarıtmazlığını nəzərə almasaq, mən sənin
məzuniyyətinə çox şad oldum. Sən, heç olmasa, qısaca olaraq, orada olanları təsvir
edərsən? Sənin həyatın, sənin otağın, sənin cığırın, pəncərədən görünən mənzərə,
yeməyin – qoy mən də səninlə birgə onları yaşayım.
***
Şənbə
Kədərli və pərişanam – sənin teleqramını itirmişəm; o, əlbəttə ki, özü itməyib,
amma təkcə onu axtarmalı olacağam barədəki fikrin özü məni haldan çıxarır. Öz
aramızdır, bunda sən özün günahkarsan; əgər o bu qədər gözəl olmasaydı, onu
əlimdə bu qədər çox gəzdirməzdim.
Məni yalnız bir şey sakitləşdirir ki, o da həkim barədə yazdıqlarındır. Ola bilsin
ki, qanaxmanın heç bir şeyə dəxli yoxdur; mən elə belə də təsəvvür edirdim – mən
təbabətdə köhnə qurdam. Bəs o, ciyərlərin zədələnməsi barədə nə deyir? Aclıq və
çamadan daşımağı, yəqin ki, o sənin reseptinə yazmadı. Bunlarla yanaşı, mənimlə
yola getməyinə razılaşdımı? Bəlkə heç mənim barəmdə söhbət getmədi? Əgər
həkim səndə mənim heç olmasa kiçicik izlərimi də tapa bilməmişsə mən bununla
necə razılaşa bilərəm? Yaxud da ciyərlərdəki zədələr mənim defektlərimdir?
Beləliklə, həqiqətən də, ciddi bir şey yoxdurmu? Və