sənin gözlərinə baxmaq istəyirəm. Və
vəssalam, Qreta da çıxıb gedir! “Layiq olmadığım”a gəlincə isə, necharu, jak takovy
slovek...127 özüm də tapmaca qarşısında qalmışam; bu tapmacanı bizim tapa
biləcəyimizə, ümumiyyətlə, inanmıram. Yeri gəlmişkən, bu küfrdür. Necə olursa- olsun, bircə dəqiqəni də hədər yerə sərf etmək istəmirəm. İndi görürəm ki, sən
məndən daha çox yalan deməyə məcbur olursan. Bu məni çox üzür. Əgər ciddi bir
əngəl çıxarsa, sakitcə Vyanada qal, heç mənə xəbər də vermə, sadəcə, Qmyunda
gedib üç saat sənin yaxınlığında qalacağam. Artıq mənim vizam vardır. Sən mənə,
ən azından, bu gün teleqram vura bilməyəcəksən, çünki indi sizdə qiyamdır.
Çərşənbə
Sənin bağışlanmaq haqqındakı xahişini başa düşmürəm. Madam ki, hər şey
sovuşub, mənim səni bağışladığım özü-özlüyündə aydındır. Hər şeyin ötüb
keçmədiyi vaxt hirsli idim, amma o vaxtlar sən qətiyyən buna görə narahat
deyildin. Hər şey keçmişdə qalmışdırsa, səni necə bağışlamaya bilərəm! Belə
şeyləri düşünmək üçün sən nə qədər çaşqın haldasan!
Atanla müqayisə edilməyi, ən azından, indilik xoşlamıram. Doğrudanmı, səni
mən də itirirəm? (Öz aramızdır, məndə bunun üçün atanda olan qüvvə yoxdur).
Amma sən buna inad edirsənsə, onda toxunma şeyləri geri qaytarsan yaxşı olar.
Həmin toxunma şeylərinin alınması və göndərilməsi tam üç saat vaxt apardı, – o
vaxt buna çox ehtiyacım var idi – doğrudan da bu məni xeyli dirçəltdi, buna görə
sənə çox minnətdaram. Bu barədə danışmaq üçün indi çox yorğunam, ikinci
gecədir ki, yatmıram. Mən bir az güc toplaya bilərəmmi ki, Qmyundda azca
tərifləsinlər?
Doğrudanmı, Amsterdamdakı səyahətçi qadını qısqandın? Əlbəttə ki, o,
etdiklərini əla eləyir (əgər o bunu inanaraq eləyirsə!), amma sən məntiqi səhv
buraxırsan. Belə həyat sürən adamın həyatı bir məcburiyyətdir, amma bu cür
yaşaya bilməyənlər üçün isə azadlıqdır. Bu hər yerdə belədir. Belə “qısqanclığın”
sonu ölüm arzulamaqdır.
Maks barədə istədiyin kimi düşünə bilərsən. Amma sənin ona