a verdiyin
təlimatları bildiyim üçün, işlərin sonu yaxınlaşdıqda məni onun yanına aparacağını
istəyəcəyəm, onunla bir neçə günlük gəzinti barədə müzakirə aparacağam, “çünki
özümü çox möhkəm hiss edirəm”, sonra isə evə doğru sürünərək sonuncu dəfə öz
ölüm yatağıma uzanacağam.
İş o yerə gedib çatmadığı üçün mən belə danışıram. Amma temperaturum
37,5°-yə (yağışda 38°) çatanda isə teleqramları sənə çatdırmaq üçün poçtalyonlar
sənin uzun pilləkənlərində bir-birini itələyəcəklər. Onlar o vaxt üsyan edəcəklər,
amma indi, ad günündə bunun üçün əlverişli vaxt deyildir!
Mənim həmin adama markaları verəcəyim barədəki hədələrimə poçt həddən
artıq diqqət yetirib. Mən təcili məktubu alanda marka artıq qoparılmışdı. Yeri
gəlmişkən, həmin adamı düzgün başa düş, axı o, hər cür markaları toplamır. Hər
növ üçün onun böyük vərəqi olmalıdır, bir növ marka üçün ayrılmış vərəq dolanda
isə o, yeni vərəq ayırır və s. Bütün gecəni onların qarşısında əyləşir, kök, şən və
xoşbəxtdir. Hər bir yeni növ üçün sevinməyə yeni səbəbi olur, məsələn, bu gün əlli
hellerlik markaya görə indi poçt haqları da artır (yazıq Milena!) və əlli hellerliklər
nadir markaya çevrilir!
Kroyşen haqqında danışdıqlarına gəlincə isə, mənim xoşuma gəlir (Aflyor yox,
bu əsl ağciyər sanatoriyasıdır, orada iynə vururlar – fu! – bizim bir əməkdaşımız
üçün bura sonradan onun vərəmdən ölməsi üçün birinci stansiya olmuşdu), belə
ölkə ürəyimcədir, oranın tarixi keçmişi vardır. Amma ora payızın sonunda açıq
olurmu, xariciləri qəbul edirmi, ora xaricilər üçün baha deyilmi və məndən başqa
birisi başa düşəcəkmi ki, kökəlmək üçün ac ölkəyə niyə gedirəm? Amma mən hər
şeyi oraya yazıb öyrənəcəyəm.
Dünən yenidən Ştaynla danışdım. O elə adamlardandır ki, həmişə hamı ilə
ədalətsiz davranır. Bilmirəm ki, ona niyə gülürlər. O, hamını və hər şeyi tanıyır,
bütün xüsusiyyətlərini ətraflı şəkildə bilir, bununla bərabər, ciddidir, mühakimələri
çox ehtiyatlıdır, ağıllı şəkildə ifadə olunmuşdur, hörmətcildir. Amma