i məyus etsəm də, ümumiyyətlə, bu nə xahişdir, nə də sənə
ünvanlanmamışdır, heç özüm də bilmirəm ki, o kimə ünvanlanıb. Bu, sadəcə,
qısılmış, boğulmuş sinəmin boğulmuş nəfəsidir.
Çərşənbə
Sənin bazar ertəsi yazdığın məktubun... Həmin bazar ertəsi səhərindən, daha
doğrusu, naharından bəri davam edən xoş duyğular (nə deyirsən de, amma
istənilən səfər öz-özlüyündə bir istirahətdir, sanki sənin yaxalığından tutub yaxşıca
silkələyirlər) artıq uçub getmişdir, həmin vaxtdan bəri mən sənin üçün yeganə bir
mahnı oxuyuram, o arasıkəsilmədən dəyişilsə də, hər halda, eyni bir mahnıdır,
röyasız bir yuxu kimi bol, yorucu və sıxıcı, bəzən mən onun sədaları altında yuxuya
gedirəm, sevin ki, sən onu eşitmirsən, sevin ki, sən bu qədər uzun müddətə mənim
məktublarımdan qurtulmusan.
***
Ah, insanı dərk etmək! Əgər sən həqiqətən də çəkmələri təmizləyirsənsə, hansı
etirazım ola bilər ki! Sağlıqla təmizlə, sonra isə onları küncə qoy və bu haqda unut.
Amma, sənin fikrən daim onları təmizləməyin, məni bəzən incidir (və onları təmiz
olmağa imkan vermir).
Cümə axşamı
Mən dönə-dönə başqa bir cümlə, məhz jsi muj136 frazasını eşitmək istəyirəm.
Məhz niyə onu? Çünki o, eşqi və məhəbbəti ifadə etmir, sadəcə, gecəni və yaxınlığı
bildirir.
Bəli, böyük bir yalan idi, mən də onda iştirak etmişdim, amma, ən pisi o idi ki,
qəlbimin dərinliyində, öz-özümlə tək qalanda onu məsum hesab edirdim.
Təəssüf ki, daim mənə elə tapşırıqlar verirsən ki, mənim gedişimə qədər onlar
öz-özlüyündə yoluna qoyulur. Madam ki, sən mənə belə az etibar edirsən və azca
da olsa, özümə inamı təlqin edirsən, onda bunlar çox aşkar hiss olunur.
Yarmila teleqramının (bizim görüşümüzə qədər göndərilmiş teleqramın) mənə
nə aidiyyatı ola bilər, xüsusən də qısqanclıq barədə, mən bunu başa düşə
bilmirəm. Mənim görünməyim sanki onu şadlandırdı (sənə görə), amma onun
yanından ayrılanda daha çox şadlandı (mənə görə, daha doğrusu, onun özünə
görə).
Soyuqdəymə ilə əlaqədar sən bir neçə söz yaza bilərdin; sənə