ə olduqda, sənin ərin də günahkardır və yenə də sən,
sonra yenə də o, çünki insanlar bir yerdə yaşayırlar, başqa cür mümkün deyildir,
günah isə sonsuz zəncirlərlə ilk insanın günahına qədər gedib çıxır, bəs onda o
günahı qurdalamağın mənim bu günümə, yaxud həkim İşlin yanına getməyə nə
dəxli var?
Küçədə isə hey yağış tökür və qurtarmaq bilmir. Bunun mənə dəxli yoxdur,
quru və isti yerdə oturmuşam, yalnız ona görə utanıram ki, məhz pəncərəmin
önündə bir rəngsaz onun üçün düzəldilmiş yeşikdə durmuşdur, indi bir az
sakitləşən yağışa və çörəyin üstünə yaxdığım yağın bolluğuna görə rəngsaz, sanki
hirslənərək rəngi şüşəyə çiləyir, elə bumda da bir fantaziya vardır, çünki o mənə
yüz qat az diqqət yetirir, nəinki mən ona. Bəli, indi o, doğrudan da, yağan yağışın
və küləyin altında işləyir.
Vays haqqında sonradan eşitdiyimə görə, yəqin ki, xəstə deyilmiş, amma
pulsuz halda oturur, bu hal yayda da olmuşdu və Fransesbadda onun üçün siyahı
ilə pul yığılmışdı. Mən ona üç həftə əvvəl sifarişli məktubla cavab verdim və hələ
bu əhvalatı eşitməmişdən əvvəl məktubu Şvarsvalddakı ünvanına yolladım. O
cavab vermədi. İndi o, Ştarnberq gölündə öz rəfiqəsi ilədir, qız Bauma141 kədərli- ciddi (onun təbiəti belədir), amma mahiyyətcə qüssə doğurmayan (bu da onun
xarakterindədir) açıqcalar göndərir. O, Praqadan getməzdən əvvəl (orada o, böyük
müvəffəqiyyətlər qazanıb) mən onunla tələsik danışdım. O, pis görünürdü – ümumiyyətlə, o, zəif və zərif, lakin yenilməyən bir qızdır – çoxlu tamaşalardan
yorulmuşdu. Vays haqqında təxminən belə dedi: “O indi Şvarsvaldadır və çox pis
yaşayır, eybi yoxdur, tezliklə biz birlikdə Ştarnberq gölündə olacağıq, onda hər şey
yoluna düşəcəkdir”.
Bazar
Burada əsas şey nədir, Milena? Sənin yazdıqlarınmı, yoxsa etibar? Bir dəfə sən
Merandan göndərdiyin axırıncı məktublarının birində bu haqda yazmışdın, mən
ona cavab yazmağa macal tapmamışdım.
Başa düş ki, Robinzon gəmi tutaraq təhlükəli səyahət etməli, gəmi qəzası
keçirməli və daha çox