r daha “sən” de.
ÇƏRŞƏNBƏ AXŞAMI
Hesab edirəm, məktub şənbə günü yazılmışdır, bazar gününə baxmayaraq, artıq
çərşənbə axşamı alınıb, həmin gün də poçtalyonun əlindən qapılıb. Poçt rabitəsi
belə, əla işləyir və mən bazar ertəsi gedəcəyəm, belə xidmətdən də yararlana
bilməyəcəyəm.
Sizə məktubların çatmadığı üçün narahat olmağınız Sizin tərəfdən necə də
lütfkarlıqdır, bəli, keçən həftə mən bir neçə gün yazmamışam, lakin şənbədən
başlayaraq mən gündəlik olaraq yazacağam, beləliklə, Siz üç məktub alacaqsınız,
müqayisəyə əsasən, məktub almadığınız günlər Sizə xoşbəxtlik kimi görünəcəkdir.
Hesab edəcəksiniz ki, qorxunuz tamamilə əsaslıdır, başqa sözlə, Sizə qarşı,
ümumiyyətlə, çox acıqlanmışam, xüsusən də məktublarınız qətiyyən xoşuma
gəlməyib, felyetonlar məni qıcıqlandırır və s.
Yox, Milena, Sizin bütün bunlardan ehtiyatlanmağınıza əsas yoxdur, amma
əksi olsaydı, narahat olmağa əsasınız olardı.
Məktubunuzu almağım və ona yuxusuz başla cavab yazmaq zərurəti necə də
yaxşıdır! Nə yazacağımı bilmirəm, sadəcə, gözlərinizin işığında sanki gözəl və
xoşbəxt gün kimi gözəl, xoşbəxt olan dodaqlarının nəfəsində sətirlər arasında
gəzişirəm. Yorğunluqdan başım ağrısa da, bazar ertəsi buradan Münhen vasitəsi ilə
keçib getmək lazımdır.
Sizin F.
Siz mənə görə var qüvvənizlə evə qaçdınız? Bəli, lakin Siz xəstə deyilsinizmi və
məgər mən daha Sizə görə narahat olmuram? Əslində də, mən daha narahat
olmuram – yox, mən yenə o vaxtkı kimi şişirdirəm, lakin həyəcanlanıram ki, guya
burada nəzarətim altındasınız, sanki mən südü içirəm və eyni zamanda da onu Sizə
içirirəm, bağdan gələn hava ilə nəfəs alıram və eyni zamanda onunla Sizi də
möhkəmləndirirəm, yox, bunlar azdır, mən onlarla özümdən daha çox Sizi
möhkəmləndirirəm.
Ehtimal ki, bəzi səbəblərə görə, mən bazar ertəsi yox, bir az gec gedəcəyəm,
amma belə olan halda birbaşa Praqaya, çünki bu yaxınlarda Bosen-Praqaya sürət
qatarı xətti açılıb. Əgər siz yenə də bir neçə sətir yazmaq istəyirsinizsə,