dayanır,
gözləmək lazımdır. “Bədbəxtliyimizə kiçik əlavələr də gəldi”, – biz fikirləşirik. Lakin
məhz Praqaya bazar günü çata bilməyəcəyim haqqındakı fikrimdə bu gözləmə
dönüş nöqtəsi oldu. Sanki, sən bütün mehmanxanaları qaçdığın kimi, indi də bütün
göyün qapıları boyunca qaçaraq mənim üçün xahiş edirdin, çünki elə bu
dəqiqələrdə sənin polisin təngnəfəs bizə tərəf qaçaraq qışqırdı: “Cəld geri qayıdın,
müfəttiş sizi buraxır!” Bu mümkündürmü? Belə anlarda, sadəcə, boğazın göynəyir.
Polis məmuruna azı on dəfə yalvardıq ki, bizdən hədiyyə kimi pul götürsün.
İndi isə cəld geriyə gedib müfəttişdən baqajı götürmək, qaçaraq pasport
yoxlanmasına, sonra isə gömrük yerinə getmək lazımdır. Amma sən hər şeyi
yoluna qoyursan, mənim gücüm çatmır ki, baqajı daşıyım, o dəqiqə yükdaşıyan
yanımda peyda olur, pasport yoxlaması zamanı izdihamla qarşılaşıram, polis
mənim üçün yolu açır, baqaj yoxlanması zamanı bilmədən qızıl sancağımı qabla
qarışıq itirirəm – məmur onu tapıb mənə verir. Biz qatara otururuq və hiss
olunmadan yola düşürük, nəhayət ki, alnımdan və sinəmdən təri silə bilərəm.
Həmişə mənimlə qal!
5) Deyəsən, bazar ertəsi
Əlbəttə, uzanıb yatmaq lazımdır, axı gecə saat birdir. Yəqin ki, sənə çoxdan
məktub yazardım, amma Maks burada idi. İndiyə qədər görüşünə qızın və ona görə
olan həyəcanın mane olduğu bu adamı qonaq qəbul etdiyimə görə çox şadam.
8.30-a qədər qızla birlikdə idim, 9-da Maks gəldi, 12.30-a qədər onunla gəzdik.
Təsəvvür elə ki, güman etdiyimə görə, çox aydın yazdığıma baxmayaraq, bəhs
etdiyim adamın sən, sən, sən olduğunu, – yazı yenə də bir az qırılır – sənin bəhs
etdiyim adam olduğunu qətiyyən başa düşməmişdir və yalnız indi adını öyrəndi
(yeri gəlmişkən, kobudcasına, birbaşa yazıları yazmırdım ki, hər halda onları arvadı
da oxuya bilərdi.). Qız haqqında: bu gün əvvəlkilərə nisbətən yaxşı idi, – amma bu
çox baha başa gəlmişdi – mən ona icazə vermişdim ki, sənə yazsın. Və buna çox
təəssüf edirəm. Qorxumun səbəbi sənə görədir – sənə