sağ olun, kürəklər!) sən onu bir başqa səviyyədə və
başqa sferada sevəcəksən. Nəticədə bu, doğrudan da, səninlə mənim təkcə işimiz
deyildir ki, gizlin saxlayaq və həm də təkcəəzab, qorxu, ağrı və qayğı da deyildir, –
sənin məktubun birdən-birə nisbi sakitliyimi qorxutdu, bu bizim ümumi
əlaqələrimizdən gəlir, yəqin ki, Merandakı yaşantılara qayıdacağam həmin
vəziyyətə qayıdış yollarında nə qədər böyük əngəllər olsa belə – sən hətta bir
müddət sussan da belə, üçümüzün məsələsi çox aydın və başa düşülən bir
məsələdir. Mən də bütün variantları götür-qoy etməyin əleyhinəyəm, ona görə
əleyhinəyəm ki, mənim “sən”im vardır, əgər mən tək olsaydım belə düşüncələrdən
məni heç kəs saxlaya bilməzdi... sən artıq, həqiqətən, özünü gurlayan döyüş
meydanına çevirirsən. Bəs parçalanmış torpaq guruldayıb yıxılan evin ağırlığına
necə tap gətirəcəkdir?
İndi tamamilə heç nə başa düşmürəm, üçüncü gündür ki, büroda otururam və
bircə sətir də yazmamışam, ola bilsin ki, indi alındı. Yeri gəlmişkən, mən bu
məktubu yazana kimi Maks içəri girdi, o, yəqin ki, susacaqdır; bacım,
valideynlərim, qız və ondan başqa hamı elə bilir ki, mən Lins-dən keçib gəlmişəm.
F.
Sənə pul göndərmək olarmı? Məsələn, L. vasitəsi ilə. Mən ona deyərəm ki, sən
Vyanada mənə pul borc vermişdin və o, bu pulu sənin redaksiya qonorarınla birgə
göndərər?55
12) Cümə
Hər cür yazışmaları bir heç hesab edirəm, əslində də onların bir xeyri yoxdur.
Hər şeydən yaxşısı odur ki, Vyanaya gəlib səni özümlə götürüm; sən bunu
istəməsən də, ola bilsin ki, mən elə belə də edəcəyəm. Əslində, iki imkan vardır ki,
onlar bir-birindən yaxşıdırlar: sən ya Praqaya gəlirsən, ya da Libeşisə. Keçmiş tipik
yəhudi şübhəsi ilə dünən gizlicə Y. — nın yanına getdim, onu Libeşisə getməsindən
azca əvvəl tutdum, sənin Stasyaya məktubun onda idi. Yaxşı adamdır, şəndir,
açıqqəlbli, ağıllıdır, qoluna girərək danışmağa girişir, hər şeyə hazırdır, hər şeyi
başa düşür, hətta bir az da artıq. O, arvadı ilə Bryunnda Floriananın56