6 yanına
getmək niyyətindədir, oradan isə Vyanada sənin yanına gələcəkdir. İndi günün
ikinci yarısında o, Praqaya qayıdacaqdır, Stasyanın cavabını gətirəcək, onunla 3-də
görüşəcəyəm, sonra isə sənə teleqraf vuraram. Çərənçiliyimə görə məni bağışla,
bu on bir məktubumu tulla kənara, reallıq vaxtı gəlmişdir, o, yaxşı və böyükdür.
Belə hesab edirəm ki, indi yalnız sənin ərinə olan sevgindən ehtiyat etmək
lazımdır. Sənin yazdığın yeni tapşırığa gəlincə isə, onlar, doğrudan da, çətindir,
amma məni sənə yaxınlaşdıran qüvvələri lazım olan qədər qiymətləndirməmək
olmaz. Düzdür, hələ yatmıram, amma dünən sənin iki məktubuna görə
düşündüyümdən daha sakitəm (təsadüfən Maks onun şahidi oldu ki, bu çox da
yaxşı şey deyildir, axı necə olsa da, bu sırf mənim işimdir, aha, bax qısqanmayanın
qısqanclığı belə başlayır, yazıq Milena!). Sənin bugünkü teleqramın da bir az məni
sakitləşdirdi.
Bu teleqram həyəcanım, heç olmasa, o qədər də böyük deyildir, tamamilə
dözülə biləndir. O öz üzərinə ağlagəlməz dərəcədə çətin iş götürmüşdür, işin
mahiyyətinə görə bir az, ola bilsin ki, tam, vicdanla onu həyata keçirmişdir; bu işi
daha uzaqlara aparmağa isə, fikrimcə, qadir deyildir və buna görə yox ki, onun
buna gücü çatmır (onunla müqayisədə mənim gücüm nədir ki?), ona görə ki, indiyə
qədər baş verənlər onu həddən artıq sıxır, həddən artıq qəzəbləndirir, bu işi
görmək üçün fikrini cəmləməkdən məhrum edir. Ola bilsin ki, başqası ilə birlikdə
bu onun üçün yüngül olacaqdır.
Niyə ona məktub yazmayım?
13) Cümə
Stasyanın məktubu ilə bağlı bir neçə söz – dayım sevimli adamdır, indi bir az
mənə mane olur, məni gözləyir. Beləliklə, Stasyanın məktubu dostcasına və
ürəkdən yazılmışdır, amma orada bir çatışmazlıq vardır, kiçik, ola bilsin ki, təmiz
formal çatışmazlıqdır (heç də inanmıram ki, bu nöqsansız məktub daha da səmimi
olur, hətta əksinədir), bu və ya başqa şəkildə onda ya nəsə çatışmır, ya da əksinə,
artıqdır, ola bilsin ki, mühakiməlilik – sanki bu, ərindən irəli