olmaq
kifayətdirmi? Əsas isə budur: ola bilsin ki, mən haqsızam, sən azca da olsa arzu
etmirsənmi – bu mümkün deyildir, bilirəm, amma söhbət arzudan gedir – haqsızlığımın bir hissəsini bölüşəsən, qız məktubunun laqeydliyindən kənara
çıxasan, oradan haqsızlığımı çıxarasan, nəinki onu böyük hərflərlə yazasan? Açığını
desəm, bu yazışmalar barədə, ümumiyyətlə, eşitməməyə üstünlük verərdim, çünki
o, günahım ucbatından yaranıb, sənin məktubunu mən bir neçə xoş sətirlərlə ona
geri qaytardım. Həmin vaxtdan heç nə eşitməmişəm, görüş təklif etmək qüvvəm
xaricindədir, ümid edirəm ki, hər şey sakit və sülhlə qurtaracaqdır.
Sən Stasyaya yazdığın məktubunu müdafiə edirsən, ona görə sənə təşəkkür
etmişdim.
Sən Noy-Valdeqqdə olmusanmı? Mən də tez-tez oraya gedirəm, qəribədir ki,
biz rastlaşmamışıq. Bəli, sən dağlara dırmaşırsan və elə tez-tez gedirsən ki,
Vyanada olduğu kimi, yəqin yanımdan uçub keçmisən. Həmin dörd gün necə
günlər idi? İlahə kinodan çıxır və balaca yükdaşıyan qız perronda durmuşdur – məgər dörd gün elə bu idi?
***
Bu məktubu Maks bu gün alacaqdır. Gizlicə oxuya bildiyimdən əlavə mən heç nə
oxumamışam.
Bəli, Landauerlə87 səninki gətirmir. Bəs onun almancası hələ də sənin xoşuna
gəlirmi? Məktublarımdan əzab çəkərək, əhvalın pozularaq nə hala düşdün, yazıq
bala (körpə yox, Tanrı göstərməsin!). Məgər məktubun sənə mane olduğunu
deyəndə haqlı deyiləmmi? Sənin düzgünlüyünün nə xeyri vardır? Məktub alanda
həmişə haqlı oluram, məktub almayanda nə düzgünlüyüm olur, nə həyatım, nə də
başqa bir şeyim.
Ah, Vyanaya gedə bilsəydim!
Xahiş edirəm ki, tərcüməni göndərəsiniz, sizdən hər şeyi, hər şeyi, hər şeyi
almağı gözləməyə səbrim çatmır.
Cümə
Milena, sən mütləq bilməlisən ki, səni sevirəmmi, sən dönə-dönə bu çətin sualı
verirsən, amma məktubda buna necə cavab vermək olar (bu bazar gününün
axırıncı məktubunda da mümkün olmadı)? Bax biz tezliklə görüşəndə, yəqin ki,
bunu deyərəm (əgər səsim tutulmasa).
Təkcə Vyanaya gəlmək barədə yazma,