Qarabağdan Azərbaycana yeni il mektubu. Əvvəla hamıya məndən salam olsun Yeni il bayramınızda haram olsun Üzünüz ağ,canınız sağ dolanırsız Hərəniz bir işə məşğul Kef içində yaşayıb qurdalanırsız Eyşlə işrət dolu yerlərdə gəzib daldalanırsız Ayaq altında qalan mən,dikələn siz Kiçilib xırdalanan mən,yekələn siz Dağılıb parçalanan mən,tikilən siz Sizə mən göz dağı olmaqdan isə adi göz oldum Dilinizde neçə illərdiki növbətçi söz oldum Adıma gör nə qədər mahnı qoşublar Mənim uğrumda şeirnen yarışıblar Nə qədər arzu deyib boş danışıblar Buna artıq alışıblar Yoxluğumnan barışıblar. Bu saraylar,uca evlər ki tikirsiz ona cənnət deməyin Hər qarış torpağı zər cənnətiniz mən deyiləm? Papağa, şalvara,bilməm nəyə qeyrət deməyin Yağı əllərdə qalan qeyrətiniz mən deyiləm? De necə şad yaşiyırsız,necə azad yaşıyırsız Mən olarkən yada məxsus Necə mümkün ola bir can Yarı azad, yarı məhbus? Əlim olsaydı əlimnən vuruşardım Dilim olsaydı dilimnən vuruşardım Nəyəsə cəhd eliyərdim çalışardım /Daha üstümdə yağı rəqs eləməzdi Əzdi məni düşmən ayaqı,dost sözü əzdi. Dünən axşam çağı küksümdə bitən bir gülü gördüm Oda ətrafda şəhid gülləri görmüş Elə qoxmuşki ləçəklərdə büzülmüş Elə bilki oda ölmüş. Səhərin incə mehində ləçəyi oynamalıykən Çiçəyi bir gözəlin incə əlin oxşamalıykən Gecə keçsin,səhər üstündə onun Qanlı ayaqlar gəzəcəylər Başını süngü ilə, Məsum uşaq başın əzən tək əzəcəklər. Əzilən gül,talanan yurd,dağılan köhnə məzarlar Sinə daşları oğurlanmış əsilzadə məzarlar Eşidin və olun agah Olarında yaşamaq haqqı Sizin boynuvuzun haqqıdı billah. Sizi imdada çağırmaqdan usandım Özümə yanmağa vaxt olmadı Mən sizdəki laqeydliyə yandım Deyirem son dəfə hər bir kəsə Mənsiz vətən olmaz Heç vaxtı vətənsiz vətən olmaz. Döyünən hər ürək eşqimlə döyünsün Öyünən qoy məni azad eləsin sonra öyünsün Özümə sizləri mən bilmişəm övlad Məni mənsiz eliyib yad Bəs edər qəlbimə çəkdiz bu qədər dağ Yeni il məktubu yazdım sizə imza QARABAĞ. Muellif: Arif Buzovnali