Ey Uca Rəbbimiz, Ey dualara cavab verən, Ey
dərəcələri yüksəldən, Ey günahları bağışlayan, Ey
bəla və müsibətləri uzaqlaşdıran, Ey istəkləri
verən Rəbbimiz! Sən bütün nöqsanlardan
uzaqsan, Səndən başqa ibadətə layiq haqq
məbud yoxdur.
Dualarımızı qəbul et, bizləri bağışla, bizlərə
Cənnətini nəsib et, Kövsər hovuzunun başında
gözəl Peyğəmbərimizin (sallallahu aleyhi
vasəlləmin) mübarək əllərindən Kövsər suyundan
içənlərdən et bizləri, övladlarımızı qoru və saleh
bəndələrindən et, valideynlərimizin yerini Cənnət
et, ruzimizi bol et, Səndən başqa heç kimsəyə
möhtac etmə bizləri, ömrümüzü bərəkətli et,
sonumuzu gözəl et, pis əməllərdən qoru bizləri,
dünyadan köçdüyümüzdə gözəl sonluqla Sənə
qovuşan bəndələrindən et bizləri.
Ey Ucalar Ucası! biz istəyirik ki, qəbirlərimizdən
dirildib çıxarılacağımız gün üzü ağ hüzuruna
gələnlərdən olaq, bizləri mömin qullarından eylə.
Sənin rəhmətinə çox möhtacıq, halımızı bizdən
yaxşı bilirsən, bizi tərk etmə və öz nəfsimizə
buraxma, çünki acizik və zəifik, qarşında
acizliyimizi etiraf edirik.
Yə Ərhəmər Rahimin! Qapına gəldik, qovma
bizləri, boynu bükük rəhmətinə möhtac aciz
olduğumuzu dərk edirik, rəhmətinə bürü bizləri,
Axı Sən Ucasan və bəndələrinə rəhm edənsən.
Bizim Səndən başqa Rəbbimiz yox.
Bizim Səndən başqa sığınacağımız yox.
Bizim Səndən başqa gedəcək qapımız yox.
Bizim Səndən başqa İlahımız yox.
Dualarımızı qəbul et, qəlbimizə rahatlıq ver, Sənin
sevimli bəndələrindən et bizləri.
Göz yaşları içində bu duaları edirik, halımızı
bizdən daha yaxşı bilən yenədə Sənsən.
Ey Rəbbimiz! Dilimizdən dualarmızı, şükürlərimizi
əksik etmə! Səndən çox razıyıq, həmd olsun
Sənə, Ey Rəbbimiz! bizi və bizdən törəyəcək
nəsilləri ibadət əhlindən eylə!
Sıxıntılarımızı aradan qaldır, istəklərimizi ver,
arzumuza çatdır bizi, qəbul olunmamış duamız
qalmasın.
Ya Mucib! Dualarmızı müstəcəb eylə! Qəbul
etməklə dualarmızı sevindir bizləri! Amin