Hansı səbəbdən olursa olsun uşaqla mübahisəyə girmək bəri başdan məğlub olmaq deməkdir.Çünki mübarizəni qəbul etmək uşağın “gücünü” də qəbul etmək deməkdir.Halbuki o sizin rəqibiniz deyil.Üstəlik gücləriniz də müxtəlifdir.Təbii ki burada fiziki gücdən yox valideynlik nüfuzundan söhbət getməlidir.

Əgər mübarizəni davam etdirməyə çalışsanız,nəticədə ikinizdən birninin dediyi olacaq.Əgər qalib gələn siz olsanız uşaqda sizə qarşı kin əmələ gələcək.Yox əgər uşağınız qalib gəlsə,gücünü hiss etmək ona xoş gələcək və ən adi hallarda da mübahisə etməyə çalışacaq.Elə isə mübahisə qızışmamış,məsələni “dondurmaq” və başqa bir vaxta təxirə salmaq lazımdır