1907-ci ildə Həsən bəy Zərdabi vəfat edir. Onu Bibiheybətdəki qəbirstanlıqda dəfn edirlər. Lakin Salyan şosesi Bibiheybət məscidinin yerindən keçdiyi üçün qəbiristanlıq dağıdılır. Kim istəyir əzizlərinin məzarını göçürüb apara bilərdi, yoxsa dağıdılıb, yolun altında qalacaqdı. Ruhi xəstə adıyla qapılardan qovulan qızı - Qəribsoltan çətinliklə iki nəfər tapıb cənazənin qalıqlarını çıxarıb bir yeşiyə yığıb həyat yoldaşı Hənifə xanımın yanında basdırılır. Ancaq heç bir nişan qoyulmur. Abbas Zamanov 1957-ci ildə MK-də şöbə müdiri işləyən Şıxəli Qurbanovun yanına gedib Zərdabinin ölümünün əlli illiyini qeyd etmək üçün köməklik etməsini xahiş edir. Məlum olur ki, Zərdabinin məzarının yerini heç kəs bilmir. Başlayırlar Zərdabinin qohum-əqrabasını axtarmağa. Öyrənirlər ki, 1935-ci ildə onun məzarını ilk dəfə dəfin olunduğu Bibiheybət qəbiristanlığından çıxarıb kicik bir yeşiyə yığaraq aparıblar. Çox çətinliklə qızı Qəribsoltanı tapırlar ancaq Qəribsultan “məzar” sözünü eşidən kimi qışqıra-qışqır deyir: “Hər şeyi, hamını məhv elədiniz, indi növbə sümüklərinə çatıb. Nə istəyirsiniz bizdən?”. Bir neçə gün sonra Qəribsoltan xanım bildirdi ki, Zərdabinin məzarı şəhər qəbiristanlığında Hənifə xanımın qəbrinin yanında basdırılıb. A.Zamanov və dostları Hənifə xanımın qəbrinin ətrafını ehmalca qazırlar. Birdən Zərdabinin cəsədi olduğu yeşiyi tapırlar və sonra onun cənazəsinin qalıqlarını Fəxri Xiyabanda dəfn edirlər.
Qeyd edim ki, Zərdabinin mühacirətdə olan digər qızı Pəri xanım Topçubaşovun həyat yoldaşı olub.