Allah insana həyatı boyu ehtiyacı olan bütün məlumatları Quranda açıqlamışdır. Dünya həyatının gerçəklərini, yaradılış məqsədini, gözəl yaşamağın sirlərini, insan fitrətinə ən uyğun əxlaq anlayışını bildirmişdir. Allah’ın Quranda bildirdiyi hökmlər həm qadınlara, həm də kişilərə aiddir. Bəzi xurafatçı kütlələr qadın düşmənçiliyini və qadına dəyər verməməyi təlqin etsələr də, bu anlayışa Quranda yer yoxdur. Əksinə, Rəbbimiz Quranda qadınları qoruyan və dəyər verən bir çox ayə nazil etmişdir.
Xurafatçılıq Allah’ın Quranda bildirdiyi və Peyğəmbərimizin (s.ə.v) yaşadığı İslamdan çox fərqli anlayışı din kimi göstərməyə çalışan bir sistemdir. İslam dini sevgini, dostluğu, qardaşlığı, estetika, incəsənət və elmə əhəmiyyət verməyi, qadına layiq olduğu dəyəri verməyi, mərhəməti, bir sözlə, gözəl olan hər şeyi əmr edir. Xurafatçılıq isə xurafat və bidətlərlə dolu, tamamilə başqa dini ortaya qoyur. Sevginin olmadığı, nifrətin və qəzəbin hakim olduğu, təmizliyə, incəsənətə və elmə qarşı olan, sevincin və gözəlliklərin qadağan olunduğu, qadınlara və uşaqlara hədsiz qəzəb duyulan bu sistem, şeytanın insanları din əxlaqından uzaqlaşdırmaq üçün meydana gətirdiyi bəladır.
Xurafatçılar insana və heç bir canlıya dəyər vermirlər. Ruhlarında kübarlığa, şəfqətə və mərhəmətə yer yoxdur. Bütün bunların nəticəsi olaraq, xurafatçı zehniyyət qadına nifrət edir, təzyiq göstərir, hörmət və sevgi bəsləmir, dəyər vermir. Qadınları ancaq təmizlik edən, xidmətçi varlıqlar kimi görürlər. İslamda qadın ilə kişi bərabərdir. İslam əxlaqına görə, əsas olan cinsiyyət fərqi deyil, Allah’a qarşı səmimi və dərin imana sahib olmaqdır. Mühüm olan Allah’ın əmr və qadağalarına dəqiqliklə tabe olmaq, Quran əxlaqına uyğun yaşamağa çalışmaqdır. Allah qatında insanın bu xüsusiyyətlərinə dəyər verilir. Allah Quranda qadın və ya kişi olmasından asılı olmayaraq, iman gətirən şəxsin lazımi xüsusiyyətlərini ətraflı açıqlamışdır.
Quran ayələrinə baxdıqda Allah’ın qadın və kişiyə ortaq xitab etdiyini görürük. Allah