İnsanlara mənəvi, dini, əxlaqi, Allahın kitabından, Allah Rəsulunun hədislərindən oxuduqda onlar qəlbən rahat olduqlarını etiraf edirlər. Bunu təcrübədən keçirənlər bunun necə böyük bir nemət olduğunu dərk edirlər. Bu gün cəmiyyətimizdə mənəvi məsələlərə xüsusi diqqət ayrılır, insanlar doğru islam dəvətçiləri sayəsində öz dinlərini öyrənib yaşayırlar. Amma buna baxmayaraq etiraf etməliyik ki, mənəvi boşluqlarımız daha çoxdur. Xüsusi ilə efirlərdə müxtəlif xəyanətlərdən bəhs edən mövzuların olması, xəyanəti öyrədəcək teleserialların verilməsi, cəmiyyətdə gənc ailələrin, xüsusi ilə daha tez bu telesriallara baxıb təsir altına düşən qadınların öz ərlərinə xəyanət etməsi son vaxtlar şiddətli artım göstərməyə başlayıb. Bununla bağlı çoxlu zənglər, mesajlar, şikayətlər bizə də gəlir. Bunun problem olaraq çarəsini həll etmək üçün cəmiyyətimiz maarifləndirici tədbirlər həyata keçirməlidir.
Bəs gəlin görək Allah təala Qurani Kərimdə bizə bu barədə nə deyir? Göndərdiyi Peyğəmbəri bizə hansı tövsiyyələri verir. Əvvəlcə qeyd edim ki, bu mövzu çox böyük, əhəmiyyətli və bir çox nüansları özündə cəm edən mövzudur. Həmçinin qeyd etmək istədiyimiz bu mövzunun içərisində olan nüanslardan əsası da bir qadının öz ərinə xəyanət etməsi məsələsidir. Xüsusi ilə bu gün bu məsələlər həddən artıq çoxdur və bu mövzuda mənim üzərində duracağım əsas məsələdir. Təsəvvür edək ki, ki, bir ailədir. Ailədə ata, ana, iki yeniyetmə uşaqlar var. Ata maddi cəhətdən elə də güclü imkana sahib deyil. Uşaqlar məktəbdə oxuyurlar. Ana isə uşaqların atasına, öz həyat yoldaşına xəyanət edir. Uşaqlar isə ananın bu hərəkətindən iyrənirlər. Onu heç cür qəbul etmək istəmirlər. İş o yerə çatıb ki, qadın imkanı zəif ərindən boşanıb. Dünyəvi, hüquqi qanunlar ərinə xəyanət edən qadın tərəfdədir. Belə halda bəs dinimizə görə necə olmalıdır? Günahkar kimdir və övladların aqibəti necə olsun?
İslam dininə görə, bir kişi əgər bütün şərtlər yerindədirsə və ədalətli bir müsəlmandırsa, qadınlar arasında hamısını eyni