belə istəməmişdir. Həmçinin, haqsız yerə başqasına bəddua etmək, lənət etmək də təhlükəlidir. Çünki bəddua haqsız yerə edilərsə, sahibinə qayıda bilər. Rəsulullah demişdir:
“Hər hansı bir şeyə lənət etdikdə o, göy üzünə çıxar. Səmanın qapıları ona bağlanar. Sonra yerə enər, yer üzünün qapıları ona bağlanar sonra sağa-sola boylanar. Daxil olacaq bir yer tapmadıqda lənət edilən şəxsə gedər. Əgər o bu lənətə layiqdirsə, onda qalar, deyilsə lənət edənə qayıdar”. (Əbu Davud, Tirmizi). Bu hədisdən göründüyü kimi lənət haqsız yerə söyləndiyi zaman sahibinin özünə qayıdar. Odur ki, tez-tez bəddua edib adət halına çevirməkdən çəkinmək lazımdır. Allah Rəsulu buyurmuşdur: “Özünüzə, övladlarınıza, yanınızda işlətdiyiniz kəslərə və mallarınıza bəddua etməyin. Allahın duaları qəbul etdiyi ana rast gələr, O da qəbul edər”. (Əbu Davud).
İmam əl-Bərbəhari (Allah ona rəhmət etsin) deyir ki: “Sən bir kimsənin rəhbərə qarşı bəd dua etdiyini görsən bil ki, o bidət (dində olmayan işləri görmək) sahibidir. Əgər bir kimsənin rəhbərin islah olması üçün xeyir dua etdiyini görsən bir ki, o – Uca Allahın izniylə – Peyğəmbərin yoluna bağlı bir kimsədir” (Şərhu Sünnə əsəri, s. 11).
Bu və ya digər qeyd etmədiyimiz şəriət mənbələrindən bizə məlum olur ki, qarğış etmək dinimizdə bəyənilmir. Ancaq yuxarıda qeyd etdiyimiz çıxılmaz vəziyyətlərdə bunu etmək olar. Təəssüf edirik ki, bu gün bəzi qeyri-ənənvi dinin təbliğçiləri Peyğəmbərimizin mübarək səhabələrinə, həyat yoldaşlarına, onların ardınca gedənlərə lənət və qarğışlar yağdırırlar ki, bütün bu etdikləri qarğışların özünə qayıdacağını dərk etmək istəmirlər. Daha sonra müəyyən çətinliklərə düşəndə də bunun səbəbinin haradan qaynaqlandığını tapa bilmirlər. Bütün ağıllı müsəlmanlar qarğışdan, bədduadan və lənət etməkdən çəkinməlidirlər.
Əkrəm Həsənov (ilahiyyat üzrə fəlsəfə