Yanvar: Ciddi və hirsli biridir. Necə deyərlər “Dişləri incidəndir, dili can incidəndir”. Ağıllı və planlı iş görür. Çünki avtobusda işləyir, plan verir. Duyarlı və dərin hissləri var. Marian çökəkliyində yaşayır.

Fevral: Dəyişkəndir. Bakseldə işləyir və “dəyişək inkişaf edək” prinsipi ilə yaşayır. Düzgündür. İnadkardır. İnadlaldır və inadkordur. Özünə güvəni yoxdur. İtirib. Tapanlar Baksellə əlaqə saxlasın. Xəyalların ardınca gedir. Amma Xəyallar onu azdıra bilmir. Qonşularında düz 8 dənə Xəyal var.

Mart: Utancaqdır. 4 oğul atasıdır. Tez hirslənir, güllələniləcək oy bağışlayın guvəlinəcək adamdır. İntiqamlıdır, qardaşı da Ehtiramlıdır. Bir sözlə ailəlikcə meyxanaçı İntiqam və Ehtirama pərəstiş edirlər.

Aprel: Aktiv və enerji doludur. Hər gün 5 ədəd Redbul içir. Təsəlli verməyi sevir. Can həkimidir. Yaddaşı güclüdür – 4GB. Tez-tez baş ağrıları olur. Hələ Antivirus yükləməyib.

May: Anlayışlıdır. Onu qovmaq lazım deyil, özü durub gedir. Ədəbiyyat və incəsənətlə maraqlanır. Amma ədəbiyyat və incəsənət ondan qaçır. Evdə oturmağı sevmir. Bütün günü uzanır.

İyun: Şirindildir. Buna görə də evlərində yay, qış qarışqa olur. Eyni anda bir çox şey haqda düşünməyi bacarır. Ona görə də özü-özünə danışır. Çoxdanışandır. Qərar verməyi bacarmır. Ancaq qərar alır.

İyul: Yaxşı sirdaşdır. Kin saxlaya bilmir. Gücü çatmır. Kin cox ağırdı deyə. Yalnızlığı sevmir. Düz 4 dəfə yalnızlığa otval verib. Onun öz istədiyi var. Dost acısı çəkməyi bacarmır. Sinəsinə duşmür. Yalnız Yava çəkir.

Avqust: Zarafatcıldır. Qorxusuzdur. Liderliyi sevir. ATV-liyi bəyənmir. RomanTikdir. Atasından onun üçün Roman adlı şadlıq sarayı tikdirməsini istəyir. Yol gostərməyi sevir. Gələcəkdə Yol Polisi işləmək istəyir.

Sentyabr: Elmə fikir verir. Hər gün 1 paçka fikir verir əvəzində ondan 1 siqaret alır. Ünsiyyətdə seçilir. İnsanların eyiblərini dolayı yolla da çatdırır. Probka olanda başqa yollarla da çatdırır. Amma özü qətiyyən güzgüyə baxmaq istəmir. Çünki evə güzgü almaqdan