Mayın beşi ad günündü bilirəm.
Gərəkdir ki, səni biz təbrik edək.
Sevincimdən göz yaşımı silirəm,
Əziz qardaş bu ad günün mübarək!

Cox əzizdi mənə hər mayın beşi.
Xatırladır mənə uzaq kecmişi.
Təndir lavaşıyla, kababın şişi,
Əziz qardaş bu ad günün mübarək!

Hər mayın beşində əmlik quzuyla,
Atam dağa cıxıb oğul- qızıyla.
Yaşadıb xoş günlər bizə özüylə,
Əziz qardaş bu ad günün mübarək!

Bir ildir ki , qəm - kədərə batmışam,
Mayın beşi məzarlıqda yatmışam,
Atamı itirib səni tapmışam,
Əziz qardaş bu ad günün mübarək!

Sevincimiz coşan caydı, dənizdi.
Kim deyirki, Vüsal kimsəsizdi ?
Qardaş elə ata qədər əzizdi,
Əziz qardaş bu ad günün mübarək!