Ürəyində yer varmı? Barmaqlarının ucunda bu an hiss edirsənmi məni?
Hiss et! Hiss et, barmaqlarına dəyən kağızın içində gəzən damarlarımı..
Hiss et damarlarımın, qanımın səni axtarmaq üçün dəlilər kimi gəzməsini..
Barmaqlarının ucunda bu an hiss edirsənmi məni? Dinlə, eşidirsənmi ürəyimin ritmini?
Könülümdə əsən küləkləri dinlə..Nəfəsimi tutmasam, gözlərindəki dərin düzənliklərdə titrəyən bütün yaşıllıqlar kül olar..
Ağrılar böyüyər qapqara gözlərində..
Barmaqlarının ucunda bu an hiss edirsənmi məni? Təəssüf!
Məkanlar dayandırırsa səni..Və təəssüf, özünü bağladınsa başqalarına..
İpsiz bir uçurtmayam mən..Saçlarımın xəttlərində süzülən küləyim sənsən..
Susma və əsla gözlərini bağlama, yıxılaram! Ürəyində yer varmı?
Barmaqlarının ucunda bu an hiss edirsənmi məni?
Və bir bulaq sunundan yaranan dərənin üzərinə düşən yarpaq kimi salırsanmı gülüşlərini..
Axırsanmı mənimlə birlikdə, axırsanmı ulduzlara doğru?
Ulduzlar.. Ulduzlar niyə belə vəfasızdır? Niyə hər dəfə üşüyəndə qar dənəcikləri yağırlar ovuclarıma..
Niyə əriyib itirlər?
Barmaqlarının ucunda bu an hiss edirsənmi məni?Bilmirəm.. Bilmək istəmirəm...
Amma barmaqlarının ucunda bu an nə olar hiss et məni...Hiss et!
Hiss et damarlarımın, qanımın səni axtarmaq üçün dəlilər kimi gəzməsini..
Söyləmişdim düzdü? İpsiz bir uçurtmayam mən..Saçlarımın xəttlərində süzülən küləyim sənsən..
Susma və əsla gözlərini bağlama, yıxılaram.