Sevgi …Sevgililər .Necə gözəl , necə məlahətli səslənir elə deyilmi? Axı bizim uzaqdan baxdığımız çox şeylər bizə gözəl və asan görünür. Bəli, sevgi unudulmaz, ülvi, pak bir hissdir. Fəqət yaşamağı , sevməyi bilənə...Amma iki ayrı insanın əl-ələ verib eyni yolda, cığırda irəliləməsi və həyatın saysız-hesabsız oyunlarına tap gətirə bilməsi heç də asan iş deyil , ümumiyyətlə sevgi , sevmək asan iş deyil .Axı hər gözəllik, hər qələbə qurbanlar tələb edir. Sevgi –Məhəbbət həyatın ən böyük qələbəsidir .
Dünyanın qitələr qədər, ucsuz-bucaqsız torpaqlarını fəth edən sərkərdələr , hökmdarlar olub. Amma bir qəlbi fəth etmək bütünlüyü ilə fəth etmək o ruha , qəlbə sahib olmaq bax bunlardan belə daha böyük bir qəhramanlıq , qorxmazlıq tələb edir...Torpaq , Vətən sədaqət, sevgi ,fədakarlıq tələb edir. Fəth etdiyin qəlb də sənin şəxsi Vətənindir. Ona sədaqət verməsən , əsil saf sevgi, cana bərabər fədakarlıqlar etməsən itirərsən onu ...həyatda sənə verilən ən dəyərli hədiyyəni...Əgər bir şeyi əldə ediriksə, bu bizə verilirsə, itirmək nəyə lazım axı. Uduzmaq , onu itirmək-bu gücsüzlükdür.... Sevdinsə daim mübarizə aparmalısan onun uğrunda, onu qorumalısan bütün bəd əməllərdən, qırıcı sözlərdən yad əllərdən , pis gözlərdən ... Mübarizə aparmalısan bütün əleyhdarlarla sizə sevginizə qarşı çıxan hər kəslə həyatla, taleylə onu səndən ala biləcək hər şeylə bəlkə də bu ən böyük imtahanlardan biridir.
Çox adam bağçasında güllər əkir, amma hər kəs o güllərə eyni qayğı ilə mi qulluq edir. Onu ayazlardan, qardan, soyuqdan hər şeydən qoruya bilirmi , onu eyni təravətdə gözəllikdə saxlaya bilirmi...Kiminsə gülləri baxımsızlıqdan yanıb məhv olur , kimin gülləri isə vaxtından tez solur... Çalışın sevgini qoruya bilin bir Vətən kimi, bir ana həsaslığı ilə, bir sevgili gözü ilə , bir həyat sevgisi ilə, bir cənnət arzusu , bir nəfəs zərurəti ilə....Ona həyat bağçanızın ən zərif , ən nadır qönçəsi kimi baxın. Daim ona qayğı göstərin , qoruyun ...Əgər gül soldusa , ləçəkləri quruyacaq töküləcək