Şeytanı ən çox narahat edən nədir?Günlərin birində lənətlik iblis Yəhyaya demişdir: "O zaman ki, yeməkdən doyursan - ağırlaşırsan və Allahınla münacat etməyə, namaz qılıb, dua etməyə rəğbətsiz olursan”. Yəhya şeytanın bu sözlərini eşidən kimi başını aşağı saldı və dedi: "Allaha and olsun ki, bundan sonra qarnımı yeməklə doldurmayacağam”. Şeytan qəzəbindən qızarır və Yəhyadan uzaqlaşaraq, deyir: "Allaha and olsun ki, mən də heç vaxt möminə nəsihət verməyəcəyəm”.

Şeytanı Peyğəmbər (səllallahu əleyhi və alihi və səlləm) ümmətindən ən çox nə narahat edir?

Əvvəl odur ki, müsəlmanlar bir-birini görəndə salam verirlər. Salam - Allahın adlarındandır. Hər kim salam verər, Allah onu hər bir bəladan və əziyyətdən uzaq edər. Hər kim salamın cavabını verər, Allah Təala rəhmətini ona şamil edər.
İkincisi odur ki, o zaman ki, bir-birini görürlər, əl verirlər. Bu əməlin savabı o qədər böyükdür ki, bir-birindən əllərini çəkməmiş Allah hər ikisinə rəhm edər.
Üçüncüsü odur ki, yemək yeməyə başlayan və iş görməyə başlayan zaman "Bismilləhir-Rahmənir-Rahim!”deyərlər. Şeytanı orada iştirak etməkdən məhrum edərlər.
Dördüncüsü odur ki, danışan zaman "İnşəallah” kəlməsini işlədirlər. Allahın qəzasına razı olurlar. Şeytan da onların bu işlərini korlaya bilmir və şeytanın zəhməti zay olar.
Beşinci odur ki, şeytan səhərdən axşama qədər çalışır ki, onları günaha batırsın. Günah işlədən zaman isə gecə olan kimi tövbə edərlər. Şeytanın zəhməti hədər gedər və Allah həmin bəndənin günahlarını bağışlayar.
Altıncı odur ki, Peyğəmbər (səllallahu əleyhi və alihi və səlləm)-in adını eşidən zaman yüksək səslə salavat deyərlər. Şeytan onun savabını bildiyi üçün narahat olub, qaçar. Çünki bu əməlin savabını görməyə taqəti qalmaz.

Şeytan sədəqə verilməsindən niyə narahat olur?

Bir gün Peyğəmbəri-Əkrəm (səllallahu əleyhi və alihi və səlləm) şeytandan soruşur: "Ey məlun! Niyə sədəqə verməyə mane olursan?” Şeytan dedi: "Ey Allahın Rəsulu! Sədəqədə beş xüsusiyyət vardır. 1. Malı artırar. 2.