Həzrət Musanın (ə) Allah Təalaya sualları
İmam Həsən Əsgəri (ə) buyurur: “Musa ibn İmran Allahdan soruşdu:-Allahım, mənim Sənin elçin və peyğəmbərin olmağıma və Səninlə danışmağıma şəhadət verənin əvəzi nədir?Allah:-Mələklərim ona sarı gələcək və onu cənnətlə müjdələyəcək.Musa:
-Həmişə Sənin önündə dayanıb namaz qılan bəndənin əvəzi nədir?Allah:
-Onun ruku, qiyam və səcdələrinə görə mələklərim önündə fəxr edərəm. Fəxr etdiyim bir şəxsi isə cəzalandırmaram.Musa:
-Sənin razılığını qazanmaq məqsədi ilə bir kimsəsizi doyuzduranın əvəzi nədir?Allah:
-Bütün kainatın fövqündə Carçının belə səslənməsinə göstəriş verərəm: “Filankəsin oğlu filankəs Cəhənnəm atəşindən qurtulanlardandır!”Musa:
-Qohumluq əlaqələrini qoruyub saxlayanın (siləyi-rəhm edənin) əvəzi nədir?Allah:
-Ölümünü yubadaram, canvermə anını asanlaşdıraram. Cənnət xəzinədarları onu “Bizə sarı gəl, istədiyin qapıdan cənnətə daxil ol”, deyə səsləyəcəklər.Musa:
-Camaata pislik etməyən, yalnız xeyir işlər görən şəxsin əvəzi nədir?Allah:
-Qiyamət günü atəş ona səslənəcək: “Sənin mənə girişin qadağandır”.Musa:
-Səni qəlbi və dili ilə xatırlayan şəxsin əvəzi nədir?Allah:
-Ey Musa, Qiyamətdə onu ərşimin kölgəsində saxlayıb öz himayəmə götürərəm.Musa:
-Gizlin və aşkar, dərin mənalı ayələrini qiraət edən şəxsin əvəzi nədir?Allah:
-Ey Musa, o, siratdan ildırım surəti ilə keçəcək.Musa:
-Sənin razılığını əldə etmək qəsdiilə başqalarının azab-əziyyətinə dözən kimsənin əvəzi nədir?Allah:
-Qiyamətin qorxulu anlarında ona yardımçı olaram.Musa:
-Sənin qorxundan göz yaşı axıdanın əvəzi nədir?Allah:
-Üzünü qızmar cəhənnəm atəşindən qoruyaram, onu Fəze`-əkbər (Qiyamətin adlarından biri) günündə amanda saxlayaram.Musa:
-Səndən utanıb xəyanət etməyənin əvəzi nədir?Allah:
-O, Qiyamət günü amanda qalacaq.Musa:
-İtaət əhlinə qayğıkeşlik edənin əvəzi nədir?Allah:
-Cəhənnəm odunu ona haram edərəm.Musa:
-Mömin bəndəni bilərəkdən qətlə yetirən şəxsin cəzası nədir?Allah:
-Qiyamət günü ona şəfqət gözü ilə baxmaz,