Fatimə eşqi bütün kimsələrin kimsəsidir
Kim onu sevsə əgər ruzi qiyamət bəsidir
Gözümün nurudur Zəhra , bunu ərz etdi Rəsul
Adı kövsərdir onun, Xaliqimin töhfəsidir
Vəhyi Rəbbindən alıb, ismini Zəhra qoydu
Surəti gərçi qadındı, özü nur cilvəsidir
Hara baxdıqca Əli gözləri Zəhra gördü
O gözəldir, Əlinin eyninə nur çeşməsidir
Heç bilirsən niyə Zəhra qocalıbdır ey dil?
Xanıma qüssə verən Kərbübəla səhnəsidir.
Kim əgər bilmək istəsə nədir Zəhradakı sirr?
Buna ən doğru cavab siqt olunan körpəsidir
Naləsiylə Xanımın ərkani məscid də qopub
Bəlkə bu küllü bəla Fatimənin naləsidir?
Zülmə baş əyməyərək haqqı deyən ol şəxsin
Zahirində özüdür, batini Zəhra səsidir.
Sorsalar Seyyidə niyə Allah cənnət verdi?
Buyurar Fatimənin şerinin hədiyyəsidir.