Bakı milyonçularından olan Hacı Hacıağa Dadaşov öz qənaətciliyi ilə çox məşhur imiş. Bakıdakı "Metropol" mehmanxanasının Tbilisidə hərraca qoyulacağını eşidib ora yollanır. Tanıyanlar onu ələ salıb soruşurlar:
- "Hacı, burda nə gəzirsən? Sən yumşaq təkərli faytona 1 abbası verib minmirsən ki, bahadır, 15 qəpiklik dəmir təkərli köhnə faytonla gedirsən. Hərracda 50-60 min söhbəti olacaq."
Hacı da özünü sındırmır:
- "Məndə pul hardandır, tamaşaya gəlmişəm"
Hərracda qiymətlər yavaş-yavaş qalxıb son həddə çatanda Hacı arxadan qışqırır: "99 min" Daha heç kimin deməyə sözü qalmır və milyonçu mehmanxananı alır.
Küçədə ondan soruşurlar:
- Hacı, bu qədər pul hardandır?
- Faytonlara vermədiyim 5 qəpiklərdəndir.
- Yaxşı, bəs niyə 100 min demədin?
- Axı o qalan pulla 5 min dəfə faytona minmək olar.
1876-cı ildə Azərbaycan tacirləri üçün birinci və ikinci dərəcəli tacirlik dərəcəsi təyin edildikdə bu rütbəni Bakıda ilk dəfə Hacı Hacı ağa almışdı.
Hacı Hacıağa ancaq öz fərasəti, işgüzarlığı, tədbirliliyi nəticəsində qısa müddətdə milyonçu səviyyəsinə yüksəlmişdi. Onun neft mədənləri olmayıb. Bütün meylini ancaq mülk tikdirməyə və dəniz ticarəti ilə məşğul olmaq üçün gəmilər inşa etdirməyə salıb.
Bakı şəhərində 40-dək mülkü və Xəzər dənizində çoxlu gəmiləri olmuşdur. Gəmiçiliklə ticarətindən çoxlu gəlirlər əldə etmişdi. Bütün Yaxın və Uzaq şərq ölkələri ilə ticarət əlaqəsi vardı.
Hacı Hacıağa Azerbaycanda ilk dəfə olaraq qocalar və yetimlər evi açdırıb.