Bizim vaxtımızda "samokat" var idi, məhəllədə "7 şüşə", "11 tuş", "ortada qaldı" oynayardıq.."gizlənqaç" oynayardıq.. məhəlləyə "marojna", "xoruz", "kukruz" satan dayday gələndə ona ən bahalı pivə butulkası verib barter edərdik.. Bizim dildə "dünya çempionatına" bərabər olan "məhlə - məhləyə" futbol var idi, həyəcanla oyunu gözləyərdik və sanki məhəllə qəhrəmanı kimi oyuna çıxaraq "şot 10-dandı" deyib, axırda da 2 qol artırardıq. Bizim uşaqlığımız əvəzolunmaz idi və pulla alınmaz idi.. Bunu indiki uşaqlar bilməz! Uşaqlıq deyib keçməyin, biz o zamanlar çox şey öyrənmişik.

• Tom & Jerry cizgi filminin bitdiyini tam zənn edərkən, yenidən nərildəyən şiri görmək bizi həyatın xoş surprizlərinə hazırladı.
• “Tapança-tapança” oynayardıq və heç zaman da bir-birimizə
ölmədiyimizi, güllənin yan keçdiyini sübut edə bilməzdik. Bu bizə düşüncələrimiz uğruna mübarizə aparmağı öyrətdi.
• Məhəllə futbolunda topu uzağa vurdunsa, ya da qonşunun həyətinə düşdüsə sən gedib gətirməli idin, beləliklə etdiyimiz səhvlərin nəticələrinə qatlanmağı öyrəndik.
• Soyuducunun işiğının nə zaman söndüyünü araşdırmağa başladıq, bu bizə kəşf etməyi öyrətdi.
• “Alma desəm çıxarsan, armud desəm çıxmazsan” gizlənqaç oynundakı bu söhbət bizə ortaq sirləri öyrətdi.
• Günəbaxan tumlarının bir miqdarını çırtlayıb kənara yığıb sonra hamısını birdən yemək bizə hər əziyyətin sonunda sürəcəyimiz keyfi öyrətdi.
• Top çiləmək oyununda qarşı tərəfə “fora” vermək bizə zəifləri əzməməyi, onlara güzəştə getməyi öyrətdi.
• Oyunlar oynarkən oynadığımız əşyaların sahibləri inciyərlərdisə oyun bitərdi. Bu bizə imkanın verdiyi səlahiyyətləri göstərdi.. Biz bu həyatı belə yaşadıq...