Qadınla kişinin münasibətlərini keçilməz cəngəllik hesab edənlər nə qədər də yanılırlar...

İnsan xoşbəxtliyini necə qurmalıdır? Münasibətlərdə necə xoşbəxt olmalı, sənə əziz olan adamı necə xoşbəxt etməli?

İki cümlədə üç dəfə «xoşbəxtlik» sözunun işlədilməsi dilin kasıblığından deyil. Xoşbəxtlik hamının istəyi, hamının arzusudur. Kimin onu nədə görməsi o qədər də vacib deyil, əsas odur ki, adam həyatda özünü məsud saya bilsin. Öz ağlınla, özünə güvənərək yaşamağın əsas dövrü isə evliliklə üst-üstə düşür. Deməli, ailədə səadətin, xoşbəxtliyin yolunu tapmaq lazımdır. Milli.Az xəbər portalı bunun üçün qadınlara aid bəzi məsləhətləri bir yerə toplayıb.

Dahi rus yazıçısı Lev Nikolayeviç Tolstoy bu suala cavab vermişdi. Ona minnətdarlıqla hələ məktəb illərindən bilirik ki, «xoşbəxt ailələr bir-birinə bənzəyir, xoşbəxt olmayan ailələr hərəsi ayrı cür bədbəxtdir».
Amma indi psixoloqlar əmindirlər ki, tamamilə əksinədir: bütün xoşbəxt olmayan ailələr adətən hamısı bir səbəbdən iztirab çəkir, xoşbəxt cütlüklər isə razılığa gəlirlər, öz yollarını axtarırlar. Onlar həmçinin gizlində münasibətləri saxlaya biləcək universal qaydalara riayət etməyə çalışırlar. Bunlar hansılardır?

Qayda 1: Hər kəs özünə görə

Amma demə ki, sən heç vaxt bunu hiss eləməmisən. Nə vaxtsa bircə dəfə də olsa, hansısa tanışlarının münasibətinə baxanda düşünmüsən: "Aman Allah, bunlar niyə indiyə qədər bir yerdədirlər, niyə bu qədər illər bir yerdə ömür sürəndən sonra bunların sifətindən razılıq oxunur".
Əslində hər şey çox sadə, eyni zamanda çox mürəkkəbdir: bu ikisi bir-birlərində şəxsiyyəti görüb və qəbul eləyiblər. Və bunun əsasında da bir-birinə fərdi yanaşmaya görə əlaqələrini qurublar. Özgənin dəyərlərinə və xoşbəxtliyinə orientir kimi baxmağın mənası yoxdur. Sən öz məhəbbətini, öz ailəni, öz xoşbəxtliyini qurursan. Sizin munasibətləriniz ancaq SİZİN münasibtlərinizdir.

Qayda 2: Kimsəni qoyma

Jurnallar, televerilişlər, rəfiqələr, sənin anan, onun anası, nənə, hətta qonşu